Siriýadaky ekstremist toparlaryň hatarynda söweşen gazak erkegine alty ýyl berildi
Gazagystanyň Milli howpsuzlyk komiteti 25-nji sentýabrda Satbaýew şäher kazyýetiniň şu aýyň başynda Siriýadaky “Yslam döwleti” toparyna goşulan ýerli adamy alty ýyl azatlykdan mahrum edendigini aýtdy.
Şahsyýeti aýan edilmedik erkek "iýun aýynda, daşary ýurt gulluklarynyň kömegi bilen, Siriýada tussag edildi" we Gazagystana geçirildi.
Soňky ýyllarda ýüzlerçe gazak raýaty “Yslam döwleti” toparyna we Siriýadaky beýleki ekstremist toparlara goşuldy.
2018-nji ýyldan bäri, esasan aýallardan we çagalardan ybarat bolan gazak raýatlarynyň 742 sanysy, döwlet programmasy esasynda Gazagystana gaýdyp geldi.