Daşkent howa menziliniň golaýynda bolan partlamada 1 adam öldi, 160 adam ýaralandy

Öten agşam Özbegistanyň paýtagty Daşkendiň esasy howa menziliniň golaýyndaky ammarda bolan güýçli partlama 16 ýaşly bir adamyň ölmegine, azyndan 160 adamyň ýaralanmagyna we uly ýitgilere sebäp boldy. Ýerli hassahanalaryň reanimasiýa bölümlerinde ýerleşdirilen adamlaryň azyndan 24 sanysynyň ýagdaýynyň agyrdygy aýdylýar.


Özbegistanyň paýtagtynyň Sergeli etrabynda ir sagat 3 töweregi bolan güýçli partlama şäheriň ähli ýerine güýçli sarsgyn tolkunlaryny ugratdy we soňra uly ýangyn turdy.


Özbegistanyň Adatdan daşary ýagdaýlar ministrligi partlamanyň soňunyň ýangyna ýazandygyny aýtdy.