Şweýsariýa Özbegistanyň öňki prezidentiniň gyzyny jenaýat guramasyny dolandyrmakda aýyplaýar
Şweýsariýanyň federal prokurory Özbegistanyň öňki prezidentiniň gyzyny para almakda we "Ofis" ady bilen bilinýän ýeser jenaýat guramasyna ýolbaşçylyk etmekde aýyplap, günä bildirdi.
1991-nji ýyldan 2016-njy ýyla çenli Özbegistana ýolbaşçylyk eden Yslam Karimowyň gyzy Gülnara Karimowa, aýdylmagyna görä, telekommunikasiýa kompaniýalaryndan alnan ýüzlerçe million dollarlyk paranyň geçirilmegi bilen bagly operasiýa ýolbaşçylyk etmekde günäkärlenýär.
Şweýsariýanyň Baş prokuraturasy 28-nji sentýabrda bu pullaryň ahyrynda Şweýsariýanyň banklaryna geçirilmezinden ozal birnäçe ýurtdaky bank hasaplarynyň üsti bilen ondan oňa geçirilendigini aýtdy.