Tussaglykdaky belarus aktiwistine ýene aýyplama bildirilýär
Belarusda raýat jemgyýetçilik toparlaryna we azat metbugata edilýän basyşlaryň arasynda, tussaglykdaky aktiwist Palina Şarenda-Panasýuka täze aýyplama bildirilýär. Onuň türme möhleti awgustyň başlarynda tamamlanan bolsa-da, ol entegem tussaglykdan goýberilmeýär.
Şarenda-Panasýuk häzir “jeza beriş merkeziniň içerki düzgünlerini gödek bozmakda” aýyplanýar.
Ol ilki başda 2021-nji ýylda tussag edilip, iki ýyl türme tussaglygyna höküm edilipdi. Oňa Belarusyň diýdimzor dolandyryjysy Aleksandr Lukaşenkanyň şahsyýetini kemsitmekde we polisiýa ofiserine hüjüm etmekde aýyplama bildirilipdi.
Ol 6-njy awgustda azatlyga çykmaly bolan bolsa-da, tussaglyk merkezinden goýberilmedi.
Eger-de Şarenda-Panasýuk günäli tapylsa, ol ýene-de bir ýyl möhlet bilen tussaglyga höküm edilip bilner.
Belarusyň adam hukuklaryny goraýjy toparlary, Şarenda-Panasýuky syýasy tussag hökmünde ykrar etdiler.