Ysraýyl Hamas hüjüminden soň gözegçiligi dikeldendigini aýdýar

Ysraýyl, dünýä liderleriniň bu söweş babatyna diplomatik çözgüdi öňe sürmeginiň arasynda, Hamas söweşijileri tarapyndan soňky onýyllyklarda ýewreý döwletine garşy edilen iň ganly hüjümleriň birinden soň, Gaza zolagynyň golaýynda, Hamas söweşijileri tarapyndan nyşana alnan ýerlere edýän gözegçiligini gaýtadan ýola goýandygyny aýtdy.


Ýüze çykan çaknyşyklar iki tarapdan ýüzlerçe adamyň ölümine sebäp boldy, daşary ýurtlular haýdan-haý bu ýerden çykmaga howlukdy.


Ysraýyl 9-njy oktýabrda uruş yglan edip, hamaz dolandyryjylarynyň “harby we dolandyryş mümkinçiliklerini” ýok etjekdigini wada bereninden soň, Gaza zolagyny bombalamagyny ýygjamlatdy, ysraýyl esgerleri Gazanyň ýaragly adamlaryny Ysraýylyň günortasyndaky sebitlerden çykarmak tagallalaryny dowam etdirdi.


Ysraýylda azyndan 700 adamyň öldürilendigi habar berildi, Gazada 400-den gowrak adam öldürildi.


Palestin söweşiji toparlary Ysraýyl tarapyndan 130-dan gowrak adamyň ýesir alnandygyny öňe sürdi.


BMG-niň Howpsuzlyk geňeşi bu hüjümi 8-nji oktýabrda ýapyk gapylaryň aňyrsynda geçiren gyssagly ýygnagynda ara alyp maslahatlaşdy.


ABŞ-nyň BMG-däki ilçisiniň orunbasary Robert Wud ýygnakdan soň bu hüjümi "köp ýurt" ýazgardy, emma hemme ýurt ýazgarmady diýdi.


Türkmenistan bu waka bilen baglylykda hiç bir beýanat çap etmedi.