Günbatar Owganystanda 6,3 güýjündäki ýer titremesi boldy
11-nji oktýabr güni irden Owganystanyň günbatarynda 6,3 güýjündäki ýer titremesiniň bolandygy habar berildi. Bu ýurtda hepde ahyrynda bolan ýer titremesinde azyndan 2000 adamyň ölendigi habar berildi. ABŞ-nyň Geologiýa Gözleg gullugy soňky sarsgynyň, 6,3 derejesindäki ýer titremesiniň ojagynyň sebit paýtagty Hyratdan 28 km uzaklykda bolandygyny aýtdy.
Hyratdaky ýerli keselhananyň çeşmeleri Azat Ýewropa/Azatlyk Radiosyna soňky bolan ýer titremesinde azyndan bir adamyň ölendigini, 65 adamyň ýaralanandygyny habar berdiler.
Hrrat şäheriniň etegindäki jaýlaryň birnäçesiniň ýykylandygy aýdylýar.
"Talyban" ýolbaşçylygyndaky Maglumat ministrliginiň metbugat sekretary Abdul Wahid Raýan ýaralananlaryň sanyny 80-e ýetirdi we ýer süýşmesiniň Hyrat-Torgondi ýoluny baglandygyny aýtdy.
AP habar gullugynyň maglumatyna görä, soňky ýer titremesi Çahak obasynda öňki günleriň ýer titremesinde ýykylmadyk 700 töweregi jaýy ýykdy.