Russiýanyň sudy Azat Ýewropa/Azatlyk Radiosynyň žurnalistiniň tussaglyk möhletini uzaltdy
Russiýanyň sudy sülçüleriň Azat Ýewropa/Azatlyk Radiosynyň žurnalisti Alsu Kurmaşewanyň tussaglyk möhletini uzaltmak baradaky haýyşyny kanagatlandyrdy.
Azat Ýewropa/Azatlyk Radiosynyň Tatar-Başkyr gullugynda işleýän Kurmaşewa daşary ýurt agenti hökmünde hasaba durmazlykda aýyplanyp saklandy.
Kazanyň Sowetskiý etrap sudunyň 23-nji oktýabrdaky kararyna laýyklykda, Kurmaşewa 5-nji dekabra çenli deslapky tussaghanada saklanyp bilinýär.
Kurmaşewanyň aklawçysy tussaglygy göz öňünde tutmaýan başga bir öňüni alyş çäresiniň berilmegini sorapdy.