Hamas iki ysraýylyny zamunlykdan boşatdy
Hamas Gazada zamunlykda saklanan ysraýyllylaryň iki sanysyny zamunlykdan azat etdi.
Halkara Gyzyl Haç komiteti 85 ýaşly Ýoçeowed Lifşitsiň we 79 ýaşly Nurit Kuperiň zamunlykdan boşadylmagyna kömek edendigini we olary Gazadan daşary çykarandygyny tassyk etdi.
Hamasyň 7-nji oktýabrda Ysraýyla eden ilkinji hüjüminde zamun alnan aýallaryň ýanýoldaşlary zamunlykdan boşadylmady.
Hamas ol aýallary ynsanperwerlik aladalary esasynda boşadandygyny aýtdy. Bu topar geçen hepde bir amerikaly aýaly we onuň gyzyny boşatdy.
Ysraýyl goşuny Hamasy dargytmak üçin üçin "dyngysyz hüjüme" taýýarlanýandygyny aýtdy, ABŞ-nyň öňki prezidenti Barak Obama "Ysraýylyň adam ýitgilerine göz ýumýan islendik harby strategiýasynyň ahyr netijede zyýanly netije berjekdigini" aýdyp, duýduryş berdi.