BMG: Eýranda adamlary jezalandyryp öldürmek 30% artdy
Eýranda adamlary öldürmek arkaly jezalandyrmak “howsala dörediji derejede” amala aşyrylýar, şu ýylyň diňe ýedi aýynda azyndan 419 adam öldürildi diýip, Birleşen Milletler Guramasynyň başlygy täze hasabatda belledi.
Bu görkeziji geçen ýylyň degişli döwri bilen deňeşdirilende 30% ýokarydyr.
BMG-niň baş sekretary Antonio Guterreşiň hasabatda belleýşi ýaly, ýedi adam Mahsa Amininiň ölümi bilen bagly geçirilen protestlere gatnaşmagy bilen ilteşikli ölüm jezasyna höküm edilipdir.
Guterreş, bar bolan maglumatlara görä, ýedi ýagdaýda hem “adalat prosessiniň adam hukuklary boýunça halkara kanunyna laýyklykda talaba laýyk we adalatly geçmändigi görkezendigini” belledi.