Gyrgyz žurnalisti Güljan Şeripbaýewa 48 sagat tussag edildi
Gyrgyzystanyň Milli howpsuzlyk komiteti žurnalist Güljan Şeripbaýewany anyk kesgitlenilmedik aýyplamalar esasynda azyndan 48 sagatlyk tussag etdi.
Şeripbaýewanyň garyndaşlary Azat Ýewropa/Azatlyk Radiosyna "Nazar News" web sahypasynyň eýesiniň 16-njy noýabrda, Bişkekdäki iş ýerinde tussag edilendigini aýtdylar.
Şeripbaýewa soňky aýlarda sosial mediada gyrgyz hökümetini tankytlaýan birnäçe makala ýerleşdirdi.
Ol gümrük gullugynyň başlygynyň öňki orunbasary, 2020-2021-nji ýyllarda Gyrgyzystandan çykarylan ýüzlerçe million dollar pul bilen baglanyşykly turan korrupsiýa galmagalynyň merkezinde duran Raýmbek Matraýymowyň goldawçysy hökmünde tanalýar.