Türkmenistanly dzýudoçy Grand Slam ýaryşynda bürünç medal aldy
Türkmenistanly türgen Tokioda dzýudo boýunça geçen Grand Slam ýaryşynyň çäklerinde ýurduň taryhynda ilkinji medala eýe boldy. Bu barada ýaryşyň resmi websaýtynda habar berilýär.
66 kilogram agram derejesine çenli geçen duşuşyklarda 2-nji dekabrda 24 ýaşly Hekim Agamämmedow bürünç medaly almagy başardy.
Grand Slam bäsleşigi 2-3-nji dekabr aralygynda geçip, oňa 84 döwletden 506 türgen gatnaşdy.