Tähran göni ýadro gepleşiklerini ret edeninden soň, Tramp Eýrana duýduryş berýär
Ýurduň prezidenti Waşington bilen çalt ýaýbaňlanýan ýadro programmasy barada göni gepleşikleri geçirmekden ýüz öwüreninden soň, ABŞ-nyň prezidenti Donald Tramp Eýrana täze sanksiýalardan we nyrhlardan başlap, harby herekete çenli çäre görmek haýbatyny atdy,
"Biz bir işleri bitirip biljekdigimizi ýa däldigimizi göreris. Eger bolmasa, bu erbet ýagdaý bolar" diýip, ol 30-njy martda Florida ştatyndan Waşingtona uçup barýan wagtynda žurnalistlere aýtdy.
"Men beýleki alternatiwa garanda şertnama baglaşmak isleýärin, meniň pikirimçe, onuň nämedigini bu uçardakylaryň hemmesi bilýär we bu hiç haçan gowy bolmaz" diýip, ol sözüniň üstüni ýetirdi.
Mundan öň Tramp, "eger olar şertnama baglaşmasalar, ol ýerde bombalamalar bolar we bu olaryň ozal hiw wagt görmedik bombalamalary bolar" diýip duýduryş beripdi.