Moskva, Rusiyeniñ qaç vatandaşı ve şirketi ABD sanksiyaları altına tüşkeni aqqında haber etti
Amerikan sanktsiyaları altında Rusiyeniñ 245 vatandaşı ve 439 dane şirketi tüşti, dep bildire Rusiye TİNniñ Şimaliy Amerika departamentiniñ müdiri Georgiy Borisenko.
«2011 senesi amerikalılar Obama zamanında (ABD sabıq prezidenti Barak Obama - QA) yañartuvnı toqtatıp, bir daa Rusiyeni tutmaqnen oğraşmağa başlağanında, ABD Rusiyege qarşı 52 kere sanktsiya kirsetken edi. Umumen amerikan sanktsiyaları altındaRusiyeniñ245 vatandaşı ve 439 dane şirketi tüşti», – dep qayd ete Borisenko.
Washington Moskvağa qarşı sanktsiyalarnı hususan, Rusiye Ukrainağa bağlı Qırım yarımadasını ilhaq etkeni ve Donbasstaki arbiy çatışma sebebinden kirsetken edi. Kyiv ve Ğarp devletleri Rusiyeni separatistlerge qol tutğanında qabaatlay, faqat Moskva bunı inkâr ete.