Qırımdaki Rusiye prokuraturası cuma namazını qıldırğan imamğa qarşı dava açtı
Onıñ aytqanına köre, aprelniñ 22-nde o ve müvekkili prokuraturağa davet etildi, anda Rusiye Memuriy cinayet kodeksiniñ 20.2 maddesiniñ 2-nci qısmına istinaden (Belgilengen tertipte haber bermeyip, açıq tedbirniñ keçirilüvi) memuriy cinayet aqqında qarar berildi.
«Prokuror insanlar camige ibadet etmege kelgenini ve imam diniy merasim keçirgenini qabul ete. Amma prokurornıñ fikirince, cami binası bir vaqıtları sport kompleksi olğan olsa, imam Dlâver Halilovnıñ areketleri de qanunsıh toplaşuv olaraq tasnif etilmesi mümkün. Bu bir-birine ve mantıqqa zıt kelgen eki hulâsa ve elimizde memuriy cinayet protokolı bar», – dep tarif etti advokat.
Kurbedinovnıñ bildirgenine köre, cami olğan bina eskiden yerli mektepniñ sport kompleksi edi. Faqat 2004 senesi Savurçı (Zavetnoye) köy şurası bu binanı cami abadanlaştırıluvına berdi.
Daa evel Dlâver Halilov malümat bermesi içün prokuraturağa çağırılğan edi, Rusiye Memuriy cinayetler kodeksiniñ 5.26 maddesiniñ 4-ünci qısmına istinaden (qanunsız missionerlik faaliyeti) memuriy cinayet qararı berildi.