«O qadar çoq siyasiy mabüs olacağını tüşünmegen edim» – qırımtatar faali (video)
2020 senesi mart ayınıñ başında qırımtatar faali Suleyman Kadırovnıñ şartlı cezası ve açıq faaliyet yasağınıñ müddeti bitti. Rusiye kontrolindeki Kefe şeer mahkemesi onı eki yılğa şartlı olaraq üküm etip, açıq faaliyetnen oğraşmasını yasaqlağan edi. Sebep, qabaatlavnıñ versiyasına köre, Kadırovnıñ tefsiri oldı. Tefsirde «Qırım – Ukrainadır» dep yazılğan edi. FSB ve Qırımdaki Rusiye mahkemesi anda ekstremizm alâmetlerini kördi. Kadırov saifesi bozulıp açıldı, o, ise bir şey yazmadı, dep israr ete. «O qadar siyasiy mabüs olacağını tüşünmegen edim. Rusiye Ceza kodeksiniñ 280.1 maddesi maña, İlmi ağa Umerovğa ve jurnalist Mıkola Semenağa tesir etti. Men mahkeme etilgende eksilecek dep tüşüngen edik, amma olmadı, terror maddelerine istinaden 15-20 yılğa mesüliyetke çekip başladılar», – dedi Kadırov.