Aqyardaki sağanaqnıñ aqibetleri: yıqılğan terekler, suv astında qalğan evler, topraq yılışması (+foto)
Aqyardaki sağanaq pıtaqlarnı sındırdı ve tereklerni yıqtı, kuçuk sellerge, Fiolent burnunda bağ birliklerniñ ışıqsız qalmasına ve Monastırskoye şosse ve Kazaçya buhta mikrorayonınıñ qısmındaki evlerniñ suv astında qalmasına sebep oldı. Bunı Qırım.Aqiqat mühbiri haber etti.
Qayd etilgeni kibi, Gagarina caddesiniñ piyade qısmı yer yılışması sebebinden blok etildi. Azbarlardaki bazı yollar tereklerniñ sınğan büyük pıtqlarınen qapatılğan edi.
Bundan ğayrı, sağanaqlar içün kanalizatsiya keregi kibi çalışmağan, quyularnıñ madeniy qapaqlarını suv alıp ketken ve kirli suv deñizge aqqan.
Aqyarnıñ eñ çoq suv basqan yerlerinden birini temizlemek içün azbar hızmetçileri celp etilgen. Yerli matbuat Vodokanaldaki furtuna kanalizatsiya hızmetiniñ reberi Vladimir Oliferenko şahsen avtovokzal yanındaki furtuna kanalizatsiyanı temizlemek içün çıqqanını bildirdi.
İyünniñ 18-ne keçken gece, bol yağğan yağmurlar neticesinde Büyük Yaltanı suv bastı, şeerde cayav keçitleri suv astında qaldı. Yerli memurlar cemaat naqliyatınıñ qtanamasını toqtattı. Yaltada fevqulâde vaziyet ilân etildi, şeerge kiriş yeri qapalı.
Sağanaqlardan ve şeerniñ suv basqan soñ 80 transformator stantsiyası ve eki elektrik naqil hattısı elektriksiz qaldı. Krımenergonıñ haber etkenine köre, episi olıp 2700 istimalcı ışıqsız qalğan. Bundan ğayrı yerli memurlar bölgede suvnıñ kesilmesi aqqında qarar aldı ve şeer sakinlerini suv alıp qoymağa çağırdı.
Evel, Qırımnıñ Gidrometeorologik merkezinde haber etkenlerine köre, cumaaqşası gecesi yarımadanıñ şarqiy rayonlarında yağanaqlarnıñ aman-aman eki aylıq qararı yağğan.