Qırımda taştan yapılğan balaban Rusiye bayrağını bozğanlar – içtimaiy ağlar
Qırımnıñ Qarasuvbazar rayonında kimligi belli olmağan insanlar taştan yapılğan balaban Rusiye bayrağını bozğanlar. Bu adise aqqında Kremlge qoltutqan Mash telegram kanalı bildirdi.
800 metr kârelik Rusiye bayrağı bıltır Qarasuvbazar rayonınıñ Tsvetoçnoye köyünde peyda oldı. Yaqında birisi onı bozdı, yanında turğan Rusiye bayrağınıñ kulâsına zarar ketirdi. Berilgen malümatqa köre, adisenen bağlı muracaat Rusiye polisine berildi.
Rusiyede ve işğali altındaki topraqlarda Ukrayınağa qoltutqan sakinler taqip etile. Rusiye tarafdarı bloger Aleksandr Talipov «Krımskiy SMERŞ» ve «TalipoV Online Z» Telegram kanallarında Ukrayınağa qoltutqan qırımlılarnıñ şahsiy malümatını derc ete. Talipovnıñ şikâyetleri neticesinde qırımlılarnı Rusiye ordusını «itibardan tüşürgeninde» qabaatlap, memuriy ve cinaiy mesüliyetke çekeler. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.