Qırımlılarnıñ mektüpleri: Qırımda turist aqını – maqtanılacaq bir şey yoq!
KEFE – Qırımda turist aqını ile bağlı vaziyet bulanıqtır. Öyle ki, yerli akimiyet ağzına suv alğanı kibi. Qaç adam keldi, keçken senege baqqanda ne ve nasıl deñişti? Daima maqtana ediler de! Keçken yıl bile. Şimdi ise susıp oturalar. Çünki şimdi maqtanılacaq bir şey yoq.
Bir taraftan Qırım köprüniñ kirişinde sanki nevbet bar, diger taraftan yarımada boştır.
Maña añlatqanları kibi, nevbetniñ sebebi Qıırmğa kelgenlerni kirişte yahşı etip teşkermege başlağanlar. Trusikke qadar er şeyni baqıp çıqalar. Vaqıt öyle eken, kim bilsin, belki siz patlayıcı bir şey alıp ketesiñiz.
Sergey Aksönov aqqında. FSB bildirgeni kibi oña suiqast azırlağanlar. Yazmaycam bunıñ aqqında, öyle de er kes bunı endi oqudı ve bile. Meni tek bir şey şaşırta: bu bir qaç ay evelsi olğan şey, soñra bir söz bile olmadı ve yaznıñ ortasında ana saña haber çıqtı.
Ve mında bir añlaşılmamazlıq bar. Misal olaraq, bir bölgeniñ yolbaşçısını öldürmege tırışqanlar, siz öyle yerge ketmege istersizmi? Anda de nizamsızlıqlar, de pilotsız uçaqlar, de arbiy tikuçarlar er kün uça. Tek anda soy-sopuñız olsa ketersiz. Kelirsiz ve dersiz: "Şaşmalamañız, er şey yahşı olacaq!". Amma yahşı olmaycağını siz de bilesiñiz. Amma soy-sopnı yoqlamaq kerek de. Bir yolu deñizni körmek, yüvunmaq.
Yerli adamlar, kurort vaqtında çalışmağanlar içün ise yahşı. Plâjlar yarı boş, suv temiz, tek suv suvuq. İyül ayında Kefede suv +14 derece olğanını hatırlamayım. Kim anda yuvunmağa ister? Eñ cesürler.
Bundan ğayrı deñizde quvandırğan gemiler peyda oldı.
Bu Kefe civarındadır. Atta raatlanmağa isteysiñ.
Musafirhaneler qapalmağa başlağan. Elbette, bunıñ sebebi de añlaşılğan. Hadimlerge para tolemek kerek. Neden aylıq berilecek, acbea? İşsiz telefonlarına baqıp oturğanları içünmi? Ya bu iş degil de.
Plâjğa kelip tüşken domuz aqqında da endi eşitkendirsiz. Bu daa ne domuz, qaydan keldi, dep sorarsıñız. Deyler Ukrayina qıtasında, Dniprodan. Bulanıq vaziyet.
Aydı, domuz. Tkristlerniñ pilotsız uçaq dep bellegini şeyde kelip tüşti yalığa. Soñra bu talimler içün bir nişan olğanı belli oldı.
Ve turistler içün daa bir şey: 13 kilometrlik nevbette beklemege istemeseñiz tren bar. Maşnalarıñıznı Krasnodarda qaldırıñ, bilet alıñız ve siz Qırımdasıñız.
Amma böyle yapqanlar neçündir azdır. Qomşum keçken afta trennen Qırımğa kete edi. Tren de boş degil. Amma er kes Rostovda ene, bazıları Keriçte, Kefege kelgende kimse qalmay. Yazıq, yerliler turistlerni bekleyler.
Ve soñunda: deñiz suvuq olsa da, cılavuqlar tolu. Tezden sizde olacaqmız, dep yazalar. Elbette başta Azaq deñizi, soñara Qara deñiz nevbette.
Armen Haçaturov, kefeli bloger (müellifniñ adı ve soyadı telükesizlik maqsadınen deñiştirildi)
«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
MALÜMAT: Ukrayinağa qarşı Rusiye silâlı ücümi 2022 senesi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.