Новости за 16.12.2019

(Казан, 16 декабрь, «Татар-информ»). Татар хатын-кызларының Мөслим районындагы «Ак калфак» иҗтимагый оешмасы Баланлы авыл җирлегендә райондашларын «Тәбикмәк бәйрәменә» җыйды. Район авылларында эшли торган «Ак калфак» оешмасы делегацияләре һәммәсе бәйрәмгә күчтәнәчләр — үз җирлекләрендә пешерелә торган тәбикмәк алып килде. Бу турыда Бөтендөнья татар конгрессы сайтында хәбәр ителә.

(Әтнә, 16 декабрь, «Татар-информ», «Әтнә таңы», Фәридә Филатова). Әтнәдә яшәүче өч дистәдән артык кеше Үзбәкстан парламенты составы өчен вакытыннан алда тавыш бирде. Бу турыда район басмасы хәбәр итә.

(Казан, 16 декабрь, «Татар-информ»). Яңа ел бәйрәме көннәрендә, 1-8 гыйнварда, Казан халкына һәм кунакларына транспорт хезмәте ял көне графигы буенча күрсәтелә. Бу хакта Казан мэриясе матбугат хезмәте хәбәр итә.

(Казан, 16 декабрь, «Татар-информ», Алексей Угаров). Хуҗабикә борынгы рецептлар буенча камыр әзерләп, аны мичтә пешергәндә, иң тәмле коймак була. Бу хакта Татарстан Президенты Рөстәм Миңнеханов Мәскәүдә медиаклуб утырышында белдерде.

(Казан, 16 декабрь, «Татар-информ»). Казан шәһәренең Вахитов районы спорт мәктәбе укучысы Эльмира Азизова бокс буенча нефть илләренең 17нче дөнья Кубогында 75 килограмга кадәр авырлык категориясендә җиңү яулады. Бу хакта Казанның Физик культура һәм спорт комитеты хәбәр итә.

(Казан, 16 декабрь, «Татар-информ», Алексей Угаров). Владимир Путинның «май» указларын үтәү кысаларында торак төзелеше темпларын арттыру өчен инженерлык, социаль һәм транспорт инфраструктурасын үстерүне тәэмин итәргә, шулай ук ипотека буенча ставкаларны киметергә кирәк. Бу фикерен Татарстан Республикасы Президенты Рөстәм Миңнеханов Мәскәүдә медиаклуб утырышында әйтте.

(Казан, 16 декабрь, «Татар-информ», «Мәгариф», Расиха Фәезова). Казанның 181 нче күппрофильле мәктәбе яныннан узып йөргәндә, диварындагы эмблемага — ачык китап һәм Җир шарын кочып алган сабый сурәтенә игътибар итми калмыйсың. Ә инде мәктәп ишек алдындагы чәчәк түтәленә дә нәкъ шушы сурәтне «күчереп ясаганнарын» күргәч, күптәнге танышыңны очраткандай елмаеп куясың. Бина эченә кергәч тә, «шаккаттыргычлар» байтак икән. Әле күптән түгел биредә булган Идел буе шәһәрләренең мэрлары да мәктәп буйлап сибелгән «сөйләшә»... Читать дальше...

(Истанбул, 16 декабрь, «Татар-информ», Рушания Алтай). Төркия башкаласы Анкарада дөньякүләм күренекле язучы Чыңгыз Айтматовка һәйкәл куелды. Бу хакта Төркиянең массакүләм мәгълүмат чаралары хәбәр итә.

(Казан, 16 декабрь, «Татар-информ»). 2019 ел йомгаклары буенча республикада икътисад үсеше темплары 101 процент тәшкил итәчәк, төп капиталга инвестицияләр күләме 630 млрд сумнан 650 млрд сумга кадәр була. Бу хакта Татарстан Президенты Рөстәм Миңнеханов Татарстанның Россиядәге Тулы вәкаләтле вәкиллеге каршындагы медиаклуб утырышында хәбәр итте.

Билял Адилов һәм Раим Айвазов киләсе елның 15 февраленә кадәр сак астында калачак. Алар "Хизб ут-Тәхрир" эше нигезендә гаепләнә.

(Казан, 16 декабрь, «Татар-информ»). Кадрлар белән тәэмин итү мәсьәләләрендә системалы карарлар кирәк. Бүген Татарстан Дәүләт Советы Рәисе Фәрит Мөхәммәтшин Мәскәүдә Закон чыгаручылар советы президиумы утырышында әнә шулай дип белдерде. Бу хакта республика парламенты матбугат хезмәте хәбәр итә.

(Казан, 16 декабрь, «Татар-информ»). Бүген Татарстан Президенты Рөстәм Миңнеханов Мәскәүдә «Россия Федерациясендә төзелеш, торак-коммуналь хуҗалык һәм шәһәр тирәлеге» юнәлеше буенча Россия Федерациясе Дәүләт Советының эшче төркеме утырышын уздырды. Бу турыда Татарстан Президенты матбугат хезмәте хәбәр итте.

(Казан, 16 декабрь, «Татар-информ»). Үзбәкстанның Ташкент шәһәренең Татар милли-мәдәни үзәгендә танылган татар шагыйре Хәсән Туфанның тууына 119 ел тулуга багышланган әдәби-музыкаль кичә үткәрелде. Бу хакта Бөтендөнья татар конгрессы матбугат хезмәте хәбәр итә.

Мәхкәмәләр штрафларны барлыгы 16 протокол нигезендә билгеләгән.

(Казан, 16 декабрь, «Татар-информ»). Түбән Камада күкрәк балалары өчен Татарстанда беренче булган ясле төркеме ачылды. Тәрбиячеләр үз эшләрен 17нче балалар бакчасы базасында башлады. Татарстанда әлегә бердәнбер булган төркемне ачу меценатлар - «Мәрхәмәтле йөрәкләр» оешмасы һәм Түбән Камада зур хәйрия концерты биргән җырчы Элвин Грей ярдәмендә булды. Бу хакта «НТР 24» хәбәр итә.

Интернетта мондый таләп белән петиция барлыкка килде. Петиция авторы Искәндәр Ясәвиев фикеренчә, әлеге низаг өчен җаваплылыкның зур өлеше Татарстан президентында.

(Казан, 16 декабрь, «Татар-информ», Вероника Ваганова). Яшел Үзән районы башлыгы Михаил Афанасьев Калдыкларны термик зарарсызландыру заводына бара торган юлны төзүгә каршы протест белдергән активистларның тоткарлануын шәрехләде. Бу хакта районның матбугат хезмәте хәбәр итә.

(Казан, 16 декабрь, «Татар-информ»). Түбән Кама шәһәренең Перинаталь үзәге һәм Балалар шәһәр хастаханәсе психологы Татьяна Хисмәтуллина балигъ булу һәм балалар белән ата-аналар арасында мөнәсәбәтләр белән бәйле катлаулы мәсьәләләр турында сөйләде. Бу турыда Татарстанның Сәламәтлек саклау министрлыгы матбугат хезмәте хәбәр итте.

(Истанбул, 16 декабрь, «Татар-информ», Рушания Алтай). Иртәгә Төркия башкаласы Анкара шәһәрендә «Төрки дөньяда хатын-кыз» дип аталган фәнни җыенда филология фәннәре кандидаты Ышылай Ышыкташ-Сава Сөембикә ханбикәгә багышланган доклад белән чыгыш ясый. Бу турыда төрек галимәсе Җәмилә Кынаҗы хәбәр итә.

(Казан, 16 декабрь, «Татар-информ»). Казанның «Рубин» футбол клубы Роман Шаронов һәм аның тренерлар штабы белән үзара килешү нигезендә хезмәттәшлекне туктату турында игълан итте.

Путин русияләрнең тупланып баручы пенсиясен тагын бер ел дәвамында үзгәрешсез калдыру турында федераль канунга кул куйды.

(Казан, 16 декабрь, «Татар-информ», Полина Шевчук). Татарстанда яшәүче өлкән яшьтәге ир-ат килененә пычак кадаган. Ул киленен хәмер кулланудан туктата алмаганга җинаять кылган. Бу хакта «Татар-информ» мәгълүмат агентлыгына Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

(Казан, 16 декабрь, «Татар-информ», Надежда Гордеева). Бүген Татарстан Дәүләт Советының Дәүләт төзелеше һәм җирле үзидарә комитеты утырышында Чаллы шәһәре территориясен 1582 квадрат метрга арттырырга тәкъдим иттеләр. Муниципаль берәмлек территориясен үзгәртү итыяҗы төзелгән торак йортның шәһәр читенә чыгуы белән бәйле барлыкка килде. Бу хакта бүген Чаллы башкарма комитетының Җир һәм милек мөнәсәбәтләре идарәсе җитәкчесе Ленар Гыйззәтуллин хәбәр итте.

Казанның футбол такымын рәсми рәвештә Эдуардо Докампо җитәкли иде, ләкин чынлыкта баш тренер эшен Шаронов башкарды. "Рубин"нан Докампо да китә. Тренерларның китү сәбәпләре әйтелми.

(Казан, 16 декабрь, «Татар-информ»). Россия Президенты Владимир Путин 2020 елдан Россиядә электрон хезмәт кенәгәләрен кертә торган законга кул куйды, ләкин бу очракта документны кәгазьдә куллану мөмкинлеге кире кагылмый. Документ хокукый мәгълүматның рәсми интернет-порталында басылып чыкты.