Новости за 23.12.2019

(Зәй, 23 декабрь, «Татар-информ», «Зәй офыклары», Рәзимә Кашапова). 21 декабрьдә Казанда «Кыш бабай призына» йөзү буенча ярышлар булды. Анда Зәй кызы өченче урын алды. Бу турыда район басмасы хәбәр итә.

(Казан, 23 декабрь, «Татар-информ», Эльза Кузнецова). Әлмәттә татар эстрадасында танылып килүче Лэйнаның «Ак барстагы малай» хитына «Әлмәт ак комлыкта» дигән яңа ел ролигы төшерделәр. Видеоклип социаль челтәрләр буенча тиз таралды. «ВКонтакте»да аны 13 меңнән артык кеше караган инде.

(Казан, 23 декабрь, «Татар-информ», Надежда Гордеева). ТР Дәүләт Советы Рәисе Фәрит Мөхәммәтшин балигъ булмаганнарга снюслар һәм вейплар сатуны тыючы закон проектын кабул итү кирәклеге турында белдерде. Мондый фикерне «Бердәм Россия» Бөтенроссия сәяси партиясенең Татарстан төбәк бүлеге секретаре журналистлар белән очрашуда әйтте.

(Казан, 23 декабрь, "Татар-информ", Рузилә Мөхәммәтова). Зөлфия Камалованың "Алты көн ярату" альбомының презентациясендә Йолдыз Миңнуллинаның шигырьләре җыр форматында да, шигырь буларак та яңгырады. Камал театрында бүген аншлаг белән Зөлфия Камалова җырлый.

(Казан, 23 декабрь, «Татар-информ», Рәмис Латыйпов). Мәскәү татарлары Штабы Татарстан Президентын сайлауга Рөстәм Миңнеханов кандидатурасын тәкъдим итәргә җыена. Бу хакта штаб җитәкчесе Рөстәм Ямалиев «Татар-информ» хәбәрчесенә әйтте.

(Казан, 23 декабрь, «Татар-информ», Гөлнар Гарифуллина). Киләсе елда «Күчмә сырхауханәләр» Татарстанның барлык районнарына барачак. Бу хакта журналистларга ТР сәламәтлек саклау министры Марат Садыйков сөйләде.

(Казан, 23 декабрь, «Татар-информ»). Иртәгә, 24 декабрьдә, Татарстан территориясендә урыны белән яңгыр, юеш кар һәм бозлавык көтелә. Бу хакта Татарстан Гидрометеорология һәм әйләнә-тирә мохитне күзәтү идарәсе хәбәр итә.

(Казан, 23 декабрь, «Татар-информ», Рәмис Латыйпов). Мәскәү татарлары штабы җитәкчесе Рөстәм Ямалиев, Бөтендөнья татар конгрессы составыннан чыгарылса да, конгресс белән эшләвен дәвам итәчәк. Бу хакта штаб җитәкчесе конгрессның Милли Шурасы рәисе Васил Шәйхразиев белән очрашу вакытында килешкән.

(Казан, 23 декабрь, «Татар-информ», Гөлнар Гарифуллина). Татарстанда ЭКО буенча чиратны алдагы ике елда күпкә киметү ниятләнә. Бу хакта брифингта Татарстанның сәламәтлек саклау министры Марат Садыйков әйтте.

(Казан, 23 декабрь, «Татар-информ», Полина Шевчук). Татарстанда яшәүче 37 яшьлек хатын 500 мең сум алимент бурычы өчен җәзага тартылган. Ул элек тә берничә тапкыр хөкем ителгән булган. Бу хакта «Татар-информ»га Татарстан прокурорының өлкән ярдәмчесе Руслан Галиев сөйләде.

(Казан, 23 декабрь, «Татар-информ»). Федерация Советы 2020 елның 1 гыйнварыннан хезмәткә түләүнең минималь күләмен аена 12 130 сумга кадәр арттыручы законны хуплады. Бу хакта «Российская газета» хәбәр итә.

(Казан, 23 декабрь, «Татар-информ»). Бүген, озакка сузылган каты авырудан соң, Әмирхан Еникинең кызы Резеда Тюменева вафат булды. Бу турыда Татарстан Язучылар берлеге социаль челтәрдәге сәхифәсендә хәбәр итте.

(Казан, 23 декабрь, «Татар-информ», Артур Шипилов). 25 декабрьдә Зур Кремль сараенда узачак Яңа ел чыршысына Татарстан Республикасыннан 105 бала китте.

(Казан, 23 декабрь, «Татар-информ», Гөлнар Гарифуллина). Татарстанда, яман шеш диагнозы куелган вакыттан алып, әле тагын биш еллап яшәүчеләр арта. Бу күрсәткеч Россиядә иң зурысы. Бу хакта журналистларга брифингта Татарстанның сәламәтлек саклау министры Марат Садыйков әйтте.

(Чаллы, 23 декабрь, «Татар-информ», Эльвира Мөхәммәтдинова). Чаллыда берьюлы дүрт автомобиль бәрелешкән, ким дигәндә, өч кеше зыян күргән. Бу хакта «Татар-информ» мәгълүмат агентлыгына шаһитлар хәбәр итте.

(Казан, 23 декабрь, «Татар-информ», Зилә Мөбәрәкшина). КФУның Г.Тукай исемендәге Милли мәдәният һәм мәгариф югары мәктәбенең беренче курс студенты Рамазан Рәхимҗанов Бөтенроссия күләмендә уздырылган ярышта халыкара класстагы спорт остасы исемен алды. Бу хакта «Татар-информ» хәбәрчесенә үзе сөйләде.

(Казан, 23 декабрь, «Татар-информ»). Бүген Татарстан Президенты Рөстәм Миңнеханов Түбән Камада «ТАНЕКО» нефть эшкәртү һәм нефть химиясе заводлары комплексының төп җитештерү куәтләрен карады. Аны предприятие җитәкчелеге вәкилләре озатып йөрде, дип хәбәр итә Татарстан Президенты матбугат хезмәте.

(Казан, 23 декабрь, "Татар-информ", Айгөл Шәйхлисламова). Камал театрының әдәбият-драматургия бүлеге җитәкчесе, театраль тәнкыйтьче Нияз Игъламов милли театрлар татарча белмәгән татарлар турында да уйларга тиеш дип саный. Бу хакта ул "Төрки дөнья театры: үсеш юлларын билгеләү" халыкара фәнни-гамәли конференциясендә сөйләде.

(Казан, 23 декабрь, «Татар-информ», Надежда Гордеева). Мәгариф системасында җитди аналитик эш алып барырга кирәк. Бүген ТР Дәүләт Советы Рәисе һәм «Бердәм Россия» Бөтенроссия сәяси партиясенең Татарстан төбәк бүлеге секретаре Фәрит Мөхәммәтшин журналистлар белән очрашуда әнә шундый фикер белдерде.

(Казан, 23 декабрь, «Татар-информ»). Иртәгә, 24 декабрьдә, 10:00 сәгатьтә, «Татар-информ»да Керәшеннәрнең «Бәрмәнчек» дәүләт фольклор ансамбленең «Гөргөри кияүләре» музыкаль тамашасына багышланган матбугат конференциясе булачак.

(Казан, 23 декабрь, «Татар-информ», Вероника Ваганова). Казан Ратушасында Татарстан башкаласы мэры Илсур Метшин Бөтенроссия олимпиадасы җиңүчеләре һәм призерлары һәм югары уку йортлары ректорлары белән очрашты. Әңгәмәнең модераторы - КФУның Бутлеров исемендәге Химия институтының 4нче курс студенты Булат Курамшин. Элек Укытучылар көнендә ул шәһәр башлыгына мөрәҗәгать итеп, «тере диалог» уздырырга тәкъдим иткән иде.

Телевизордан яңалыклар карау гадәте Русиядә өлкән буын вәкилләрендә сакланган, ә яшьләрнең күпчелеге мәгълүматны интернет аша таба. Сораштыру Русия элемтә министрлыгы соравы белән уздырылган.

(Казан, 23 декабрь, «Татар-информ»). Сургут шәһәре Думасында татар милли-мәдәни мохтарияте оешуына 20 ел тулу уңаеннан оешма активистларын бүләкләделәр. Бу хакта Бөтендөнья татар конгрессы матбугат хезмәте хәбәр итә.

(Казан, 23 декабрь, «Татар-информ», Гөлнар Гарифуллина). Татарстан медицина тармагына кадрлар җәлеп итү буенча иң яхшы төбәк санала. Бу хакта журналистларга ТР сәламәтлек саклау министры Марат Садыйков әйтте.

Активисты детских общественных объединений Нурлатского района стали участниками Форума юных граждан.