Новости за 08.02.2024

Ученику Нурлатской гимназии 10 лет.

Башкортстанның Милли музеенда Мортаза Рәхимовның 90 еллыгына багышланган «Башкортстан Республикасының Беренче Президенты» күргәзмәсе тантаналы рәвештә ачылды. Бу хакта «Башинформ» яза.

Ученице Нурлатской гимназии, воспитаннице ДШИ «Сәләт», 9 лет.

Татарстан Республикасы Рәисе Рөстәм Миңнеханов Татарстанның фәнни җәмәгатьчелек вәкилләрен Россия фәне көне уңаеннан тәбрикләде. Бу хакта ТР Рәисе матбугат хезмәте хәбәр итә.

Иске Татар бистәсендә Казан укытучылар семинариясе бинасы төзекләндереләчәк. Объектны тикшергәндә, терәк диварларда ярыклар табылган. Экспертиза проекты ТР Мәдәни мирас объектларын саклау буенча дәүләт комитеты сайтында бастырылган.

Бүген Татарстанда кар явачак, тәүлегенә 6 ммга кадәр булачак. Бу хакта ТР Гидрометүзәгенең матбугат хезмәте хәбәр итә.

Әлмәт ЗАГС идарәсендә кыска вакытлы ялга кайткан мобилизацияләнгән хәрбинең һәм аның кәләше Каринаның никахы теркәлде. Быел алар 55нче гаилә булып никахларын законлаштырган, дип яза «Әләмт таңнары» .

3-15 февраль көннәрендә Татарстанда XII «Ак халатлы фәрештәләр» фестивале уза. Ул укучыларны медицина һөнәрләре белән таныштыру максатыннан үткәрелә. Фестиваль кысаларында Шәмәрдән участок хас­таханәсе базасында «Ачык ишек­ләр көне» һөнәри юнәлеш би­рү чарасы үткәрелде. Бу хакта http://saby-rt.ru/ хәбәр итә.

Гаилә елы кысаларында Ютазы районы Урыссу бистәсенең 3 мәктәбендә «Хезмәткә һәм оборонага әзер» чарасы кысаларында «Әни, әти, мин — гаилә ГТО тапшыра» спорт фестивале узды. Бу хакта «Ютазы таңнары» хәбәр итә.

Бөгелмә мөхтәсибәте мәчетләрендә Бөтендөнья «хиҗаб көне»нә багышланган чаралар узды. Оештыручылар яулык бәйләү буенча мастер-класслар, викториналар, конкурслар үткәрделәр. Бу хакта «Бөгелмә авазы» хәбәр итә.

Баймакта булган вакыйгаларның кайтавазы дәвам итә. 6 гыйнвар Дөнья башкорт корылтае утырышында төрмәгә утыртылган активист Фаил Алсынов, протестлар һәм кырыклап җинаять эше ачылган баймаклылар язмышы мәсьәләсе күтәрелде. Профессор Фәнил Күзбәков утырышта булган хәлләрне сөйләде.

Мобилизацияләнеп, хәзерге вакытта махсус хәрби операция зонасыннан кыска вакытлы ялга кайткан Лениногорск хәрбиләре мэриягә очрашуга килде. Район башлыгы Рәгать Хөсәенов катнашындагы очрашуда аның урынбасарлары, хезмәт күрсәтү оешмалары җитәкчеләре катнашты. Бу хакта Лениногорск муниципаль районы һәм Лениногорсе шәһәре матбугат хезмәте хәбәр итә.