Новости за 22.07.2024

Әлмәтнең «Нефтьче» мәдәният сараенда яңартылган «БиблиоНефть» китапханәсе ачылды. Бу китапханәнең тарихы шәһәребез тарихы белән тыгыз бәйләнгән. Аңа 1951 елда Бөгелмәдә нигез салына, аннары Әлмәткә күчерелә. Бу хакта «Әлмәт таңнары» газетасы яза.

Россия Фән һәм югары белем министрлыгының студентларны тулай торакка урнаштыру мәсьәләсенә карашы барлык укучыларны, әмма беренче чиратта авыр тормыш хәлендә булганнарны урыннар белән тәэмин итүдән гыйбарәт. Бу хакта ведомствоның матбугат хезмәтендә белдерделәр, дип хәбәр итә «РИА Новости».

Ярдәмне Татарстан Республикасы премьер-министры урынбасары – Татарстан Республикасының Россия Федерациясендәге тулы вәкаләтле вәкиле Равил Әхмәтшин, Чаллы шәһәре мэры Наил Мәһдиев, Тәтеш районы башлыгы Рәмис Сәфиуллов илтеп тапшырган. Бу хакта Татарстан Республикасының Мәскәүдәге вәкаләтле вәкиллеге хәбәр итә.

Татарстан башкаласында электр самокатларыннан баш тартырга җыенмыйлар. Бу хакта Казан Башкарма комитетының Транспорт комитеты рәисе Алексей Сидоров белдерде, дип хәбәр итә «РИА Новости».

Декоратив-гамәли сәнгать осталары арасында уздырылучы «Саумы, Казан!»/«Здравствуй, Казань!» бәйгесенә гаризалар кабул итү һәм җиңүчеләрне билгеләү вакыты кичектерелде. Конкурста 18 яшьтән өлкәнрәк профессиональ осталар декоратив-гамәли сәнгатьнең дүрт юнәлеше: күн эшкәртү, керамика, киез басу һәм чигү буенча катнаша ала. Игътибар үзәгендә – борынгы Казан мифлары һәм риваятьләре, дип хәбәр итә Казан мэриясе матбугат хезмәте.

Питрәч «Бердәм Россия» берләштерә» автобус марафоны юлында беренче торак пункт булды. VII чакырылыш Татарстан Дәүләт Советына депутатлыкка кандидатлар һәр районга киләчәк. Халык кызыксындырган сорауларын бирә һәм муниципалитетларны үстерү буенча теләкләре белән уртаклаша алачак, дип яза «Татар-информ» хәбәрчесе Арсений Кәримов.

Татарстан җыелма командасы «Архипелаг-2024» проект-белем бирү интенсивы кысаларында Көньяк Сахалинда узган пилотсыз авиация буенча илкүләм ярышларда 120 медаль һәм 17 кубок, шул исәптән өч абсолют чемпионлык Гран-приын яулады. Бу хакта ТР һөнәри компетенцияләрне үстерү үзәгенең матбугат хезмәте хәбәр итә.

Тулай торакларда яшәү мөмкинлеген аз керемле яки авыр тормыш хәлендә булган студентларга гына бирергә кирәк. Бу хакта РФ Мәгариф һәм фән министрлыгы башлыгы Валерий Фальков Дәүләт Думасының фән һәм югары белем һәм контроль комитетларының киңәйтелгән уртак утырышында белдерде.

Россия Президенты Владимир Путин 5-7 сыйныф укучылары һәм халыкара тректа катнашучылар өчен оештырылган «Зур тәнәфес» бөтенроссия конкурсы финалистларын сәламләде. Финал «Артек» халыкара балалар үзәгендә үтә.

Суд журналист Алсу Кормашевага Россия армиясе турында ялган мәгълүмат тарату эше буенча хөкем карары чыгарды.

Әдәби марафон проектының Казан төркеме җитәкчесе Гөлнара Гатауллина Татар китабы йортында Татарстанның халык язучысы, Татарстанның атказанган мәдәният хезмәткәре Нәбирә Гыйматдинова белән очрашу оештырган. Бу хакта Татарстан Язучылар берлеге матбугат хезмәте хәбәр итә.

Булачак VII чакырылыш Татарстан Дәүләт Советына сайлаулар вакытында 2700дән артык сайлау участогы ачылачак. Бу хакта ТР Үзәк сайлау комиссиясе матбугат хезмәте хәбәр итә.

Шулай ук дини програм кысаларында мигрантларга “ничек үзләрен тотарга кирәклеген” аңлатачаклар.

Татарстанда дулкынлы атмосфера фронтын узганнан соң урнашкан салкын һәм дымлы һава торышы атна азагына кадәр сакланачак. Бу ТР Гидрометеорология үзәге хәбәр итә.

2016 елның ноябрендә Түбән Камадагы полиция бүлекчәсендә Илдар Камалиевны гаебен танып күрсәтмәләр бирсен өчен җәфалыйлар.

Россиядә спортка ярдәм итү фонды булдырылачак. Мондый йөкләмәне РФ Президенты Владимир Путин бирде, дип хәбәр итә кремль матбугат хезмәте.

29 июльдә Кәрим Тинчурин исемендәге Татар дәүләт драма һәм комедия театры җәйге ялдан соң үз эшен башлый. Бу көнне тамашачыларга Кәрим Тинчурин әсәре буенча куелган «Сүнгән йолдызлар» спектакле тәкъдим ителәчәк. Аңа кадәр, 25 июльдән, театрда өч экскурсия программасы старт ала. Алар барысы да Татарстанның туристлык буенча дәүләт комитеты белән берлектә әзерләнә, дип хәбәр итә театрның матбугат хезмәте.

Татарстан Рәисе Рөстәм Миңнеханов өч кешене «Татарстан Республикасы алдындагы казанышлары өчен» ордены медале белән бүләкләү турында указ имзалады. Документ хокукый мәгълүмат порталында чыкты.

Россиялеләр эскроу-счетлар механизмы аша ана капиталы акчаларын шәхси торак төзелешенә юнәлтә алачак. Законны РФ Президенты Владимир Путин имзалады, ул хокукый мәгълүмат рәсми интернет-порталында чыкты.

«Татар-информ» мәгълүмат агентлыгында узган БРИКС илләренең Изге Коръән премиясенә багышланган матбугат очрашуында Россия Федерациясен Коръән-хафиз Ясир Додарбеков тәкъдим итүе хәбәр ителде. Бу хакта Россия Федерациясе мөселманнары Диния нәзарәте рәисе урынбасары, БРИКС илләренең Изге Коръән премиясен оештыру комитеты рәисе Рушан Әббәсов әйтте.

Россия Герое Рәсим Баксиков һәм Дәүләт Думасы депутаты Айдар Метшин Түбән Кама янындагы «Кама Артегы» лагерендә «Батырлык дәресе» уздырды. Хәрби һәм парламентарий яшь буын вәкилләре белән батырлыклар, курку һәм Туган илгә мәхәббәт турында сөйләште.

Бүген Дәүләт Думасына коммуналь хезмәтләр өчен бурычларны нотариусның башкарма имзасы ярдәмендә түләтү турындагы закон проекты кертеләчәк. Шулай итеп, процедураны судка мөрәҗәгать итмичә генә үткәрергә телиләр, дип хәбәр итә «Известия».

«Авыл укытучысы – 2024» бәйгесендә катнашу вакыты озайтылды. Катнашу өчен гаризаларны 2024 елның 31 июленә кадәр җибәрергә мөмкин. Бу хакта «Мәгариф» журналы журналисты Фәния Лотфуллина хәбәр итә.

Татарстан Югары мәхкәмәсе аны "хәрби фейклар" таратуда гаепле тапкан.

20 июль көнне Башкортстан Республикасы Кушнаренко районы Иске Тукмаклы авылында республикакүләм «Батырлар җыены» милли-мәдәни спорт бәйрәме узды. Бу хакта Бөтендөнья татар конгрессы матбугат хезмәте хәбәр итә.