Новости за 03.01.2026

Россия хакимияте картлык буенча иминият пенсияләрен инфляциядән түбән булмаган дәрәҗәдә индексацияләү принцибын саклап калырга ниятли. Бу хөкүмәт раслаган планнан күренә, дип хәбәр итә «ТАСС».

2026 елның гыйнварында Россия халкының ял көннәре саны эш көннәре саныннан артып китәчәк. Гражданнарны 15 эш көне һәм 16 ял көне көтә. Бу хакта Superjob сервисының юридик практика җитәкчесе Александр Южалин белдерде, дип хәбәр итә «РИА Новости».

Башкортстанның Чакмагыш районы Гаилә ялы паркында авыл мәдәният учаклары әзерләгән концерт программалары башланды. 2 гыйнварда беренчеләрдән булып үзәк чыршы сәхнәсендә Үрнәк, Иске Калмаш, Бәшир һәм Калмашбаш авыл Советы үзешчәннәре чыгыш ясады. Үрнәк авыл Советына кергән Аблай авылы мәдәният йортын җитәкчесе Лида Шәяхмәтова-Кодаярова мондый Яңа ел тамашаларының бер матур традиция булуын билгеләде. Ә район үзәгендәге «Заря» хуҗалыгы хезмәт ветераны Розалия Исламова үзенең хис-кичерешләре һәм фикерләре белән уртаклашты. Читать дальше...

Татарстанда бүген урыны белән буран чыгуы ихтимал. ТР Гидрометеоүзәге мәгълүматлары буенча, җил көньяк һәм көньяк-көнбатыштан секундына 9-14 метр тизлек белән исәчәк, көндезге сәгатьләрдә аның көче урыны белән секундына 15-20 метрга җитәргә мөмкин.

2025 елда профилактика чаралары кысаларында 108 028 авыру ачыкланган, 85 проценты диспансер күзәтүенә алынган. Алар арасыннан яман шешнең 1 524 яңа очрагы расланган.

Казан хакимиятендә бәйрәмнәрдә шәһәр хезмәтләренең ничек эшләячәге турында сөйләделәр

Апаста актив ял сөюче балалар, әти-әниләр, өлкән яшьтәге кешеләр һәм районга кайткан кунаклар өчен саф һавада рәхәтләнеп чаңгыда шуу һәм ял итү мөмкинлеге булдырылачак. Бу хакта «Апас-информ» хәбәр итте.

Мәктәптән тыш эшләр үзәге хезмәткәрләре Аксубайның 1нче номерлы мәктәбе педагоглары белән берлектә район балалары өчен актив һәм файдалы кышкы ял оештыра. Бу хакта «Аксубай» газетасы хәбәр итте.

5 гыйнварда Арчаның Җиңү паркында «Дуслык күпере» этномәдәни фестивале узачак. Бу хакта «Арча хәбәрләре» хәбәр итә.

6 гыйнварда 10:00 сәгатьтә Р.Ишкәев исемендәге ял паркында «Чаналар – 2026» креатив чаналар бәйгесе узачак. Анда теләге булган һәркем, шул исәптән оешма-предприятиеләр, клублар, күпфункцияле үзәк командалары катнаша ала. Бу хакта «Азнакай» газетасы хәбәр итә.