Новости за 07.01.2026

2026 елда Лениногорск районында 65 яшь һәм аннан өлкәнрәкләрне медицина учреждениеләренә илтү проекты дәвам итәчәк. Бу хакта «Заман сулышы» хәбәр итә.

Габдулла Тукай исемендәге Татар дәүләт филармониясе концертлар залында 2026 елның беренче юбилей кичәсе гөрләде. Биредә Татарстанның халык артисты Фердинанд Сәлаховка 70 яшь тулуга багышланган «70 һөнәр иясе» дип исемләнгән юбилей концерты узды.

2027 елда Советлар Союзы оешуга 105 ел тулу алдыннан СССР халыкларының традицион ир-ат һәм хатын-кыз костюмнарында уенчыклар ясау буенча конкурс үткәрү тарихи хәтерне саклауга ярдәм итәргә мөмкин. Мондый фикерне Дәүләт Думасы депутаты Николай Новичков белдерде, ди яза ТАСС.

Начар һава шартлары – көчле кар яву һәм күз күреме чикләнү сәбәпле – 17:00 сәгатьтән Татарстан Республикасында автобуслар һәм йөк транспорты өчен вакытлыча чикләүләр кертелде. Бу хакта «Волго-Вятскуправтодор» матбугат хезмәте хәбәр итә.

Нурлатта традицион «Балык. Нурлат 2026» ачык кышкы балык тоту фестивале узды. Моннан алты ел элек Нурлат районының Тарн-Вар күлендә башланган «Балык-фест» исемле бу бәйрәм төрле яшьтәге балык тотарга яратучыларны яңадан җыйды. Быел 107 балыкчы катнашты, алар арасында 6 хатын-кыз һәм 8 бала да бар иде.

АКШ Венесуэлага карата санкция режимын йомшартырга планлаштыра. Бу хакта «CNBC News» агентлыгына сылтама белән, ТАСС хәбәр итә.

Габдулла Тукайның тууына 140 ел тулу уңаеннан Татарстан Республикасы Язучылар берлеге Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән каләм ияләре, галимнәр, укытучылар һәм тәрбиячеләр арасында «Тукай йолдызлыгы» дип аталган ябык конкурс игълан итте. Бу хакта ТР Язучылар берлеге матбугат хезмәте хәбәр итә.

Төмәннең «Яңарыш» газетасында Гөлнур Вәлиеваның «Туган телебезне яратучылар бәйгесе» дигән язмасы чыкты.

Медицина оешмалары белән максатчан килешүләр төзегән абитуриентлар, өлгереш дәрәҗәсенә карамастан, медицина көллиятләренә кергәндә өстенлек алачак. Бу хакта Дәүләт Думасының сәламәтлек саклау комитеты рәисе Сергей Леонов хәбәр итте, дип яза ТАСС.

Татарстанның атказанган артисты Эльмира Кәлимуллина иҗаты, туган телне саклау юллары турындагы фикерләре белән уртаклашты.

10 гыйнварда Казан-Екатеринбург автобус маршруты эшли башлый. Бу хакта ТР Транспорт министрлыгы матбугат хезмәте хәбәр итә.

Төбәк әһәмиятендәге автомобиль юлларында 357 берәмлек кар чистарту техникасы эшли. Төнлә эшне 229 машина башкарды, дип хәбәр итә ТР Транспорт министрлыгы матбугат хезмәте.

Пермь краенда «Ашатли-парк» ял базасы территориясендә шәхси вертолет һәлакәткә очраган – ике кеше һәлак булган. Бу хакта ТАСС хәбәр итә.

«Теләкләр чыршысы» хәйрия акциясе кысаларында Лаеш районы башлыгы Илдус Зарипов 12 яшьлек Лукиан Исаевка бүләк тапшырды.

АКШның Венесуэладагы хәрби операциясе барышында 70тән артык кеше һәлак булган. Бу хакта Washington Post хәбәр итә.

Дәүләт Думасы депутаты Каплан Панеш күпфатирлы йортларны, аларның ничә катлы булуына һәм төзелгән елына карамастан, автомат янгын сүндерү сигнализациясе белән тәэмин итү инициативасы белән чыкты.

Иранда протестчылар илнең көнбатышында, Гыйрак чигенә якын урнашкан Абданан һәм Малекшаһи шәһәрләрен үз контроленә алган. Бу хакта Иранның каршылык милли шурасына сылтама белән Fox News хәбәр итә. Социаль челтәрләрдә Абдананда төшерелгән видеолардан күренгәнчә, демонстрантлар Иранның югары рухание — аятулла Али Хаменеига каршы шигарләр кычкыра: "Хаменеига үлем!" һәм "Бу ел — кан елы, Али Хаменеи бәреп төшереләчәк", ди алар. Видеоларның берсендә бинаның түбәсендә торган иран полиция хезмәткәрләренең протестта катнашучыларга кул болгап... Читать дальше...

Соңгы тәүлектә Татарстан башкаласы урамнарыннан 25,8 мең тонна кар чыгарылган – узган көндәгедән 2,7 мең тоннага күбрәк. Бу хакта Казан мэриясенең матбугат хезмәте хәбәр итә.

Бүген, 7 гыйнварда, һава торышы начар булу сәбәпле, Казанның «Черек күл» паркындагы шугалак һәм тимераякларны прокатка бирү пункты эшләми. Бу хакта Татарстан башкаласының парклар һәм скверлар дирекциясе үзенең Telegram-каналында хәбәр итә.

2026 елда Татарстан бюджетына акцизлардан 53 млрд 23,9 млн сум күләмендә акча керәчәк. Бу хакта республика Финанс министрлыгы матбугат хезмәте хәбәр итә.

Иртәгә, 8 гыйнварда, Татарстанда һава шартларының янә сизелерлек начараюы көтелә. Бу хакта ТР Гидрометеорология үзәге хәбәр итә.

Республиканың Биектау районында агачка бәрелеп, көчле җәрәхәтләр алган чаңгычыны коткарганнар. Бу хакта «Татар-информ»га Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Бөек татар шагыйре Габдулла Тукайның 140 еллыгы уңаеннан Татарстанда «Тукайны бергәләп укыйбыз» проекты старт ала. Бу хакта Бөтендөнья татар конгрессы матбугат хезмәте хәбәр итә.

Делси Родригес бу таләпләр белән килешкән

Мошенниклар РФ Үзәк банкының шикле түләүләргә яңа критерийлар кертү карарын үз файдаларына куллана башлаган. Бу хакта «Мошеловка» халык фронты платформасы матбугат хезмәтенә сылтама белән РИА Новости хәбәр итә.