Новости за 13.01.2026

Россиядә онлайн-сервислар кулланучының ачыктан-ачык ризалыгыннан башка цифрлы «подпискалар» өчен акчаны автомат рәвештә ала алмаячак. Шул турыдагы яңа кагыйдәләр 2026 елның 1 мартыннан үз көченә керә. Бу хакта Дәүләт Думасының мәгълүмати сәясәт, мәгълүмати технологияләр һәм элемтә комитеты әгъзасы Антон Немкин хәбәр итте.

2026 елдан туачак балаларда нәселдән килгән авыруларны ачыклау өчен генетик тестлар түләүсез медицина ярдәме күрсәтүнең дәүләт гарантияләре программасына кертелде. Сүз моноген авыруларга (штп-м) һәм структур хромосомалы үзгәрешләргә (ШП-СП) генетик тест үткәрү турында бара. Бу хакта ТАСС агентлыгына Россия Сәламәтлек саклау министрлыгының хатын-кызларның репродуктив сәламәтлеге буенча штаттан тыш баш белгече Наталья Долгушина хәбәр иткән.

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев Татарстан медиа берләшмәсе хезмәткәрләрен һәм ветераннарын Россия матбугаты көне белән котлады.

Казан (Идел буе) федераль университеты 12 гыйнвардан 31 мартка кадәр мәктәп укучылары өчен «Лобачевский. Алга китеш» фәнни тикшеренүләр конкурсын уздыра. Анда 4-11 сыйныф укучылары катнаша ала. Проект «Электроприбор» Тамбов заводы ярдәме белән тормышка ашырыла, дип хәбәр итә КФУ матбугат хезмәте.

Татарстанның газ хезмәтләре халыкка газ приборларыннан файдаланганда куркынычсызлык кагыйдәләрен төгәл үтәргә кирәклеген искәртә.

Бүген Чаллыда Иске Яңа елны билгеләп үтәчәкләр - кич белән шәһәр халкын бөтен гаиләләре белән шәһәрнең бәйрәм мәйданчыкларына чакыралар.

Татарстан Рәисе Администрациясе җитәкчесе, «Татмедиа» АҖ директорлар советы рәисе Әсгать Сәфәров Россия матбугаты көне уңаеннан «Татмедиа» Республика матбугат һәм массакүләм коммуникацияләр агентлыгы башлыгы Айдар Сәлимгәрәевкә котлау телеграммасы юллады.

Дәүләт Думасы депутатлары пенсионерларга капиталь ремонт өчен взнослар түләүгә автомат рәвештә ташлама бирү инициативасы белән чыгыш ясады. Парламентарийлар Россия Төзелеш һәм торак-коммуналь хуҗалык министры Ирек Фәйзуллинга тиешле мөрәҗәгать юллаган. Бу хакта РИА Новости хәбәр итә.

Россия Федерациясендә иң күп пенсионер Мәскәү төбәгендә һәм Краснодар краенда яши. Бу хакта «Российская газета» яза.

Татарстан Республикасы Дәүләт Советы Рәисе Фәрит Мөхәммәтшин массакүләм мәгълүмат чаралары хезмәткәрләре һәм ветераннарын Россия матбугат көне белән котлады.

Галимә Әминә Айгистова Төркиядә Салих Сәйдәшев иҗаты буенча беренче докторлык диссертациясен яклады.

Бүген Татарстанда болытлы һава көтелә. Тәүлек дәвамында кар явачак, иртән һәм көндез кайбер районнарда буран булуы ихтимал, дип хәбәр итә ТР Гидрометеорология үзәге.

Буа мәдрәсәсе шәкертләре өлкәннәргә ярдәм итте. Бу хакта «Байрак» газетасы яза.

Алабугада чаңгы трассасында берничә буынны берләштергән чын спорт бәйрәме хөкем сөрде. Биредә әлеге стартларга нигез салучы Виталий Дерягин истәлегенә чаңгы ярышлары буенча традицион республика ярышлары узды. Аңа 50 яшь тулган көнне стартка 170 кеше чыкты һәм анда йөрү буенча яңа рекорд куйды. Бу хакта «Алабуга нуры» яза.

Бәркәтә авылыннан Минвәли Зәйдуллинга колхозда эшләгәндә 6лы модель «Жигули» автомобиле бирәләр. Уңган комбайнчы «Днепр» мотоциклына да ия була. Бу хакта «Безнең Чирмешән» яза.

Берничә буынны очраштырган дискәтүккә яше дә, урта hәм өлкән яшьтәгеләр дә теләп чыкканнар иде. Бию бәйрәменә яшьләр арасында абруй казанган, күпләрнең тормышында, күңелендә якты эз калдырган Зөләйха апа килгән иде. Аның билет урынына кулга печать суккан заманнарын hәркем искә алды. Бу хакта «Сарман» газетасы яза.