Новости за 15.01.2026

Казанда 17 яшьлек студент кыз мошенникларга ата-анасының ьыйган акчаларын биргән. Россия Эчке эшләр министрлыгының Казан буенча идарәсендә хәбәр итүләренчә, билгесез кешеләр үзләрен китерү хезмәте хезмәткәрләре дип таныштырып, кызга шалтыраткан һәм смстан кодны әйтеп бирүне сораган. Ул кодны әйткән, шуннан соң әңгәмәдәшләр аны куркыта башлаган һәм өйдә акча саклануын ачыклаган.

10 бала тапкан һәм шул ук санда 1,5 елга бала карау буенча ялга киткән хатын-кызлар, гомерләрендә бер көн дә эшләмичә, картлык буенча иминият пенсиясен алырга хокуклы. Бу хакта «Татар-информ»га Россия Федерациясе Хөкүмәте каршындагы Финанс университеты доценты Игорь Балынин хәбәр итте.

Хезмәткәрләрнең пөхтә булмаган тышкы кыяфәте өчен штраф законсыз дип санала. Россия Хезмәт Кодексында мондый төшенчә юк. Эш бирүче хезмәткәрнең тышкы кыяфәтенә субъектив бәя бирүгә таянып, аны җаваплылыкка тартырга хокуклы түгел. Бу хакта «RT» шәрехләрендә Роскачествоның оештыру үсеше департаменты директоры Евгения Ганькина хәбәр итте.

2025 ел йомгаклары буенча Татарстанда кадрлар кытлыгы сәнәгать җитештерүендә күзәтелә. Анда конструкторлар, технологлар һәм механиклар, шулай ук квалификацияле эшчеләр – токарьлар, фрезерлаучылар һәм шомартучылар кирәк. Төзелеш өлкәсендә конструкторлар, проектлаучылар һәм җитештерү-техник бүлек белгечләре, шулай ук электромонтажчылар, эретеп ябыштыручылар һәм буяучылар кирәк. Бу хакта «Татар-информ» га ТР Халыкны эш белән тәэмин итү үзәге матбугат хезмәтендә хәбәр иттеләр.

Яңа ел бәйрәмнәрендә Казанның медицина хезмәтләре көчәйтелгән режимда эшләде. Бу вакыт эчендә аларга 15 меңнән артык кеше мөрәҗәгать итте, дип хәбәр итә шәһәр сәламәтлек саклау идарәсе.

Гыйнвар белән чагыштырганда, ноябрьдә Татарстанда hh.ru эш бирүчеләр вакансияләрендә тәкъдим ителә торган медиан хезмәт хакы 14,5 процентка арткан һәм 80,2 мең сум тәшкил иткән. Бу хакта «Татар-информ»га hh.ru Идел буе директоры Альбина Солтанова хәбәр итте.

2026 елда хезмәт базарында эшче көчләр җитмәячәк. 2026 елда хезмәт базары трендларына багышланган зур уртак тикшеренү мәгълүматлары буенча, ТОП-3 кә хезмәт җитештерүчәнлеген һәм нәтиҗәлелеген күтәрү, эш бирүче брендын үстерү һәм персоналны тотып калу буенча көчләрне арттыру кергән. Бу хакта «Татар-информ»га hh.ru Идел буе директоры Альбина Солтанова хәбәр итте.

Казанның Совет районында бүген иртән бөкеләр булган. Бу хакта «Яндекс.карты» сервисы мәгълүматлары сөйли.

Дәүләт Думасы депутатлары укытучыларның хезмәт хакын төбәк буенча уртача 200 проценттан да ким булмаган дәрәҗәдә билгеләргә тәкъдим иттеләр. Тиешле мөрәҗәгатьне РФ вице-премьеры Дмитрий Чернышенкога юлладылар, дип хәбәр итә «РИА Новости».

Пәнҗешәмбегә каршы төндә Россиянең Һава һөҗүменә каршы оборона чаралары самолет тибындагы пилотсыз очу аппаратлары һөҗүмен теркәгән. Рәсми мәгълүматлар буенча, барлыгы 34 БПЛА тотылган һәм юк ителгән.

6 февральдән 8 февральгә кадәр Лаеш районының «Идел» яшьләр үзәгендә Татарстан Республикасы эшләүче яшьләренең VIII иҗат слеты узачак. Бу традицион семинар – тренинг, ул Татарстан Республикасы Рәисе Рөстәм Миңнеханов ярдәме белән уздырылачак «Наше время – Безнең заман» XIV еллык ачык республика телевизион иҗат фестиваленә әзерлекнең төп этабы булып тора.

2026 елда Татарстаннан күп балалы аналар пенсияләрен яңадан исәпләү хисабына арттыра ала. Моны ничек эшләргә – «Татар-информ» материалында.

Турпоток вырос на 17%

Более 200 тыс. туристов посетили столицу Татарстана с 31 декабря прошлого года по 11 января 2026-го, что на 16,7% больше, чем годом ранее. Об этом сегодня на деловом понедельнике сообщил директор Комитета по развитию туризма Казани Александр Шавлиашвили, опираясь на данные Сбераналитики.

По его словам, совокупные расходы туристов на проживание, питание и досуг в Казани составили более 1,5 млрд рублей.

Александр Шавлиашвили: «Совокупные расходы туристов на проживание... Читать дальше...

Татарстан башкаласы Яңа ел бәйрәмнәрендә Россиянең төрле почмакларыннан 200 меңнән артык турист кабул итте. Киләчәктә Казан шәһәре ил күләмендә Яңа елны каршылау өчен иң популяр юнәлешләрнең берсе булырга исәп тота. Казан халкы һәм кунаклары өчен бәйрәмнәр нәрсә белән истә калды һәм шәһәр киләсе Яңа елга ничек әзерләнәчәк – «Татар-информ» материалында.

Татарстанда аязучан болытлы һава көтелә. ТР Гидрометүзәге мәгълүматлары буенча, явым-төшем сизелерлек булмаячак.

Түбән Кама районының «Камский Артек» лагеренда «Созвездие-Йолдызлык» республика фестиваленең лауреатлары һәм җиңүчеләре өчен иҗади смена узды. Бу хакта «Татар LIFE» сайты хәбәр итә.

Алабуга мәдәният һәм сәнгать көллиятенең дизайн бүлегендә гадәти булмаган «Этно-дефиле» күргәзмәсе ачылды. Бу хакта «Алабуга нуры» газетасы яза.

Әгерҗе районы Исәнбай авылында яшәүче ветеран педагог, каләм остасы Фәридә Җәмилеваның «Гомер ике килми...» дип аталган шигырьләр китабы басылып чыкты. Бу хакта «Әгерҗе хәбәрләре» газетасы яза.

10нчы төзәтү колониясендә хөкем ителгәннәр белән тәрбия эше кысаларында Менделеевскиның С.Гассар исемендәге Мәдәният сарае артистлары катнашында концерт булды. Бу хакта «Менделеевск яңалыклары» сайты хәбәр итә.