Новости за 28.01.2026

Мәдәният министрлыгы быелдан башлап «Сәнгать әһелләре декадасы»н башлап җибәрә. «Ул елга 2 мәртәбә узачак – майның өченче декадасы һәм октябрьнең өченче декадасы. Һәр декада Татарстанның күренекле мәдәният әһелләре – язмышлары һәм иҗатлары белән республиканың мәдәни коды нигезен формалаштырган шәхесләр юбилейлары белән төзеләчәк. Аларның күбесе бер чорда яшәп, бер-берсен белеп торганнар, берүк чынбарлыкны яктыртканнар», – диде мәдәният министры Ирада Әюпова «2025 елда Министрлык эшчәнлеге йомгаклары... Читать дальше...

АКШта көчле кар яву аркасында һәлак булучылар саны 51 кешегә җиткән. Бу хакта NBC News телеканалы хәбәр итә. Элегрәк хакимият 42 һәлак булучы турында хәбәр иткән иде, әмма мәгълүматлар яңартылуын дәвам итә.

Татарстанда тагын «пилотсыз очкыч һөҗүм итү куркынычы» режимы игълан ителде. Тиешле мәгълүмат 28 гыйнварда Россия Гадәттән тыш хәлләр министрлыгының мобиль кушымтасында Мәскәү вакыты белән 8.37 сәгатьтә чыкты.

Балалы гаиләләргә бала туганда яки уллыкка алганда бер мәртәбә акча түләү ярдәм итү чараларының берсе булып тора. 1 февральдән әлеге түләү күләме 5,6 процентка индексацияләнәчәк. Татарстан халкы нинди суммага өмет итә ала һәм ул нәрсәгә бәйле булачак – «Татар-информ» материалында.

Самараның «Бердәмлек» газетасында Данияр Сәйфиевның «Татарлар бергә эшли алырлармы» дигән язмасы чыкты. Бу хакта газетаның Вконтакте социаль челтәрендәге сәхифәсендә хәбәр ителә.

Россиядә реаль вакытта конкрет датага таксистларның ОСАГО полисы булуын тикшерү мөмкинлеге барлыкка киләчәк. Бу «Такси» федераль дәүләт мәгълүмат системасы һәм иминиятләштерүнең автоматлаштырылган мәгълүмат системасы интеграциясеннән соң мөмкин булачак. Бу хакта «РИА Новости»га Россия Транспорт министрлыгында хәбәр иттеләр.

Казанда «Татарстан гүзәле – 2026» бәйгесендә җиңүчене атадылар

Татарстанда бүген болытлы һава көтелә. Тәүлек дәвамында кар явачак, урыны белән буран булачак, дип хәбәр итә ТР Гидрометеорология үзәге.

Яңа Чишмә районы Чаллы Башы авылында «Авылым чаналары» кышкы күмәк ярышлары узды. Бу хакта «Яңа Чишмә хәбәрләре» газетасы хәбәр итте.

Теләче районы беренче номерлы балалар бакчасында «Сәнгать аша – яшеллек иленә» V республикакүләм экологик бәйгесе узган. Бу хакта «Теләче-информ» хәбәр итте.

«Юл иминлеге» дәүләт бюджет учреждениесенең Мөслим һәм Сарман районнары бүлеге җитәкчесе Алсу Ситдыйкова «Күренеп тор» акциясен оештырган. Бу хакта «Мөслим-информ» хәбәр итте.

Апаста Ленинградны фашистлар блокадасыннан аза итүгә 82 ел тулу уңаеннан бу фаҗигале вакыйгаларның шаһиты булган кешеләрне хөрмәтләү чарасы үткәрелгән. Бу хакта «Апас-информ» хәбәр итте.