Новости за 14.02.2026

Татарстанда быелгы программага кертелгән 706 күп фатирлы йортның 80ендә капиталь ремонт эшләре башланды. ТР төзелеш, архитектура һәм торак-коммуналь хуҗалык министры Марат Айзатуллин төбәк Хөкүмәте йортында узган традицион киңәшмәдә шулай дип белдерде.

Татарстанда пилотсыз очкыч һөҗүм итү куркынычы режимы гамәлдән чыгарылды. Ул барлыгы биш сәгать гамәлдә булды. Шул хактагы мәгълүмат Россия Гадәттән тыш хәлләр министрлыгының рәсми кушымтасында урнаштырылган.

Татарстан башкаласында 183нче гимназия базасында Кытай Яңа елы алдыннан IV Республика кытай теле фестивале узды. Бу хакта мәгариф учреждениесенең «ВКонтакте»социаль челтәрендәге сәхифәсендә хәбәр ителә.

Казанда узган «Муса Җәлил Россиянең тарихи-мәдәни киңлегендә» Бөтенроссия фәнни конференциясе кысаларында Бөек Ватан сугышы чорына караган кыйммәтле табылдыклар – «Отвага» газетасы редакциясенең типография шрифты һәм уникаль гравюралар Татарстан Республикасы Милли музеена бүләк ителде.

Патриот-шагыйрь, Советлар Союзы Герое Муса Җәлилнең тууына 120 ел тулуга багышланган тантаналар алдыннан Татарстан Республикасы Дәүләт Киңәшчесе Минтимер Шәймиев татар халкының бөек улы, аның батырлыгы һәм иҗаты турында үз фикерләрен «Татар-информ» мәгълүмат агентлыгы белән уртаклашты.

Татарстанда концессион килешүләр нигезендә яисә займ акчаларына салынган автомобиль юллары төзү һәм эксплуатацияләү буенча инвестиция проектларына, шулай ук Иннополисның мәгариф инфраструктурасына салым йөкләмәсен киметергә телиләр. ТР Хөкүмәте ТР Дәүләт Советына шул хактагы закон проектын тапшырды.

Татарстанда кабат «Пилотсыз очкыч һөҗүм итү куркынычы режимы» игълан ителде. Бу хактагы мәгълүмат Россия Гадәттән тыш хәлләр министрлыгының мобиль кушымтасында Мәскәү вакыты белән 14 февральдә 5.11 сәгатьтә чыкты.

Фольклорчы-галим, Нәҗип Җиһанов исемендәге Казан дәүләт консерваториясе доценты Геннадий Макаров «Каюм авазлары. Төрки тамырлар музыкасы» исемле лекциясендә Казан ханлыгы чоры музыкаль традицияләре белән таныштырды.

Татарстанда шимбә көнне, 14 февральдә, болытлы һава торышы көтелә. ТР Гидрометеорология һәм әйләнә-тирә мохитне күзәтү идарәсе мәгълүматлары буенча, җепшек кар явачак, көндез урыны белән явым-төшем көчәя.

Татарстан Республикасы Фәннәр академиясендә узучы «Муса Җәлил Россиянең тарихи-мәдәни киңлегендә» Бөтенроссия фәнни конференциядә шагыйрьнең олы кызы, җәмәгать эшлеклесе Люция Җәлилова да катнашты. Ул әтисенең камерадашы, данлыклы «Моабит дәфтәрләре»н саклап калган Бельгия антифашисты Андре Тиммерманс турындагы истәлекләре белән уртаклашты.

2026 елда Татарстанда 2 550 гектар мәйданда урманнар торгызу буенча масштаблы эшләр планлаштырылган, аларның 1 200 гектары «Экологик иминлек» илкүләм проекты кысаларында торгызылачак. Бу хакта Татарстанның урман хуҗалыгы министры урынбасары Илгизәр Зарипов хәбәр итте.

«Человеку становится интересно, что за фото ему прислали, и он скачивает файл с вирусом»

Чит кешедән хәбәр кыйммәткә төшәргә мөмкин - таныш булмаган кешедән зур булмаган файлны йөкләп, бөтен акчаңны югалтырга һәм бурычка батарга мөмкинсең. Вируслы хатларны мессенджерлар, социаль челтәрләр, электрон почта аша җибәрәләр, аларны фотосурәтләр һәм документлар итеп маскировкалыйлар. Тозакка ничек эләкмәскә соң?

Бөгелмә шәһәренең Техника йортында «Актив озын гомер» программасы кысаларында 55 яшьтән узган кешеләр өчен чираттагы бию дәресе узды. Бу хакта «Бугульминская газета» яза.

Тәтеш балалар сәнгать мәктәбендә күренекле татар шагыйре, Советлар Союзы Герое Муса Җәлилнең тууына 120 ел тулуга багышланган «Җәлил укулары» Халыкара әдәби нәфис сүз конкурсы узды. Бу хакта «Тәтеш таңнары» газетасы яза.

Чүпрәле районында хезмәт коллективлары арасында «Хезмәткә һәм оборонага әзер» комплексының кышкы фестивале башланды. Бу хакта «Туган як» газетасы яза.

13 февральдә Әтнә районы Олы Мәңгәр авылында 2010 елда туган һәм аннан яшьрәк укучылар арасында Әфганстанда хәрби бурычын үтәгәндә һәлак булган Илдар Сафиуллин истәлегенә чаңгы ярышы буенча спорт мәктәбе беренчелеге узды. Бу хакта «Әтнә таңы» газетасы яза.