Новости за 17.02.2026

Табиблар һәм пациентлар МАХ илкүләм мессенджерында телемедицина консультацияләре уздыру мөмкинлеген уңай бәяли. Бу хакта РФ сәламәтлек саклау министры Михаил Мурашко Кировка эш сәфәре барышында сөйләде.

Бүген Татарстан студент отрядлары хәрәкәтен үстерүдә лидер санала. Студентлар бөтен ил буенча да, чит илләргә дә бара. Татарстанның 18 студенты «Росатом» корпорациясе, Төркиядәге «Аккую» һәм Мисырдагы «Эль-Дабаа» атом электр станцияләре төзелешләрендә катнашкан. Бу хакта бүген ТР Министрлар Кабинетында узган брифингта сөйләделәр.

Яшел Үзән районы Кече Шырдан авылында «Гаилә» илкүләм проекты кысаларында төзелгән яңа мәдәният йорты ачылды. Яңа бинаны ачу тантанасы бөек татар галиме һәм мәгърифәтчесе Каюм Насыйриның туган көненә багышланган. Бу хакта район советының матбугат хезмәте хәбәр итте.

Татарстан Рәисе Рөстәм Миңнеханов Түбән Камага эш сәфәре барышында ритейл һәм җәмәгать туклануы өчен суыткыч җайланмалар җитештерүче яңа «Совитал» заводын ачуда катнашты. Бу хакта республика җитәкчесенең матбугат хезмәте хәбәр итә.

Дәүләт Думасы пленар утырышта икенче һәм өченче укылышта РФ Хөкүмәте билгеләгән очракларда Федераль иминлек хезмәте таләбе буенча элемтәне өзү бурычын беркетүче закон проектын кабул итте. Бу хакта ТАСС яза.

2025 елда Татарстанда сәнәгать җитештерүе индексы 110 процент тәшкил иткән. Бу хакта Татарстан Республикасы сәнәгать һәм сәүдә министры Олег Коробченко ведомство коллегиясендә белдерде.

16 февральдә Чаллыда беренче КАМАЗ йөк машинасы чыгарылуга 50 ел тулуны билгеләп үттеләр. Юбилей чараларында ТР Рәисе Рөстәм Миңнеханов, РФ вице-премьеры Денис Мантуров һәм «Ростех» башлыгы Сергей Чемезов катнашты. КАМАЗ яңа җитештерү объектын эшләтеп җибәрде, мэр Наил Мәһдиев шәһәр советы сессиясендә 2025 елга нәтиҗә ясады, планнар билгеләде.

«Әдәби кафе»да язучы, шагыйрь, драматург, әдәбият галиме Галимҗан Гыйльмановның «Тукайның мең сере» китабы тәкъдим ителде. Татарстан китап нәшриятының баш мөхәррире Айдар Гыймадиев кунакларны сәламләп, сүзне авторга бирде.

14-19 апрельдә Галиәсгар Камал исемендәге Татар дәүләт академия театры сәхнәсендә Уфа «Нур» татар дәүләт театрының гастрольләре узачак. Бу хакта «Нур» татар дәүләт театрының Вконтакте социаль челтәрендәге сәхифәсендә хәбәр ителә.

Ульяновскиның Татар мәдәният үзәгендә татар театрларының танылган драматург Барый Тарханов исемендәге төбәкара фестивале башланды. Фестивальнең унберенче сезонында үзешчән артистлар ике ай эчендә ун спектакль тәкъдим итәчәк. Бу хакта «Өмет» газетасы хәбәр итә.

Роботлаштыру, пилотсыз системалар үзәген булдыру һәм машина төзелешендә җитештерүне арттыру – 2026 елга шундый бурычларны Татарстан Сәнәгать һәм сәүдә министрлыгы җитәкчесе Олег Коробченко Түбән Камада узган коллегия утырышында әйтте.

ТР Рәисе матбугат хезмәте җитәкчесе Лилия Галимова үзенең телеграм-каналында Татарстан Рәисе Рөстәм Миңнехановның Кукмара итекләрен сайлавы турында видео урнаштырды.

16 февраль көнне Оренбургтагы Ямашев исемендәге китапханәдә тиздән дөнья күрәчәк китапның авторлары җыелды. Китап 1941-1945 еллардагы Бөек Ватан сугышында катнашкан Оренбург өлкәсе татарларына багышлана. Бу хакта Бөтендөнья татар конгрессы матбугат хезмәте хәбәр итә.

21 февральдән Татарстанның Түбән Новгород өлкәсендәге сәүдә-икътисади вәкиле Тимур Шәрәфетдинов булачак. Татарстан Республикасы Министрлар Кабинетының тиешле боерыгын республика Премьер-министры Алексей Песошин имзалады.

Россия юристлары Ассоциациясенең Краснодар төбәк бүлеге вәкиле Валентина Корсунова Ватанны саклаучылар көне алдыннан иң популяр мошенниклык схемалары турында сөйләде. Бу хакта РИА Новости яза.

16 февральдә Татарстан мөфтияте бинасында Изге Рамазан аена әзерлек уңаеннан «MuslimQuiz» акыл уены үткәрелде. Дүртенче ел рәттән үткәрелүче чара яшьләрне Коръән, Пәйгамбәрләр тарихы буенча белемнәрен тикшерү өчен бер мәйданга җыя. Бу хакта ТР Диния нәзарәте хәбәр итә.

Бүген Татарстан Рәисе Рөстәм Миңнеханов Татарстан Республикасы Сәнәгать һәм сәүдә министрлыгы коллегиясе кысаларында Түбән Камада оештырылган Татарстан сәнәгать предприятиеләре продукциясе күргәзмәсен карады.

Казан шәһәр филармониясе артистлары Самара тамашачысына Кәрим Тинчуринның легендар «Зәңгәр шәл» музыкаль спектаклен тәкъдим итте. Шул уңайдан «Бердәмлек» газетасында Венера Галимованың «Зәңгәр шәл»гә – 100 ел!» дигән язмасы чыкты.

Татарстанның хезмәт отрядларында студентлар 35 мең сумнан алып 200 мең сумга кадәр акча эшли ала. Бу хакта ТР Министрлар Кабинетында брифингта Республика студент хезмәт отрядлары үзәге директоры Василий Ислаев әйтте.

Идел буе транспорт прокуратурасы Казан аэропортында рейслары пилотсыз куркыныч аркасында тоткарланган пассажирларның хокукларын үтәүне контрольдә тота.

«Татмедиа» Max каналы цитаталар индексы буенча төбәк массакүләм мәгълүмат чаралары рейтингын җитәкләде, берьюлы берничә төп рейтингта алдынгы урыннарны яулады. Каналның уңышы New Media телеграм-каналында бастырылган MaxDash аналитик сервисы мәгълүматлары белән раслана.

Төркиядә Истанбул губернаторлыгы татар язучысы Әмирхан Еникинең хикәяләрен, әдәбият белеме өчен әһәмиятле әсәрләр дип бәяләп, китап буларак бастырды һәм барлык мәктәпләрнең китапханәләренә таратты. Ул аларны мәктәп балаларына һәм әдәбият сөючеләр өчен нәшер иткән. Бу хакта әдәбият белгече Альп Әрән Демиркая хәбәр итә.

Узган 2025 елда Татарстанда яшелчәләр җыеп алуда катнашкан студент хезмәт отрядлары быел да уңыш алуда катнашыр дип ниятләнә.

Хисап сессиясендә Алабуга районы башлыгы Рөстәм Нуриев махсус хәрби операциядә катнашучы хәрбиләргә ярдәм чаралары турында сөйләде. Утырышта Татарстан Премьер-министры Алексей Песошин да катнашты.

Татарстанда бер тәүлек эчендә икенче тапкыр пилотсыз очкыч һөҗүме куркынычы режимын игълан итүне гамәлдән чыгардылар, дип хәбәр итә Гадәттән тыш хәлләр министрлыгының рәсми кушымтасы.