Новости за 18.02.2026

Мәчетләрдә татар теле инде сирәк ишетелә. Йөрүчеләр дә күпчелектә – Үзәк Азия ватандашлары.

Рус теле атналыгы кысаларында Хуҗанттагы Рус йорты хезмәткәрләре Таҗик дәүләт хокук, бизнес һәм сәясәт университеты мәйданчыгында Советлар Союзы Герое, СССРның Ленин премиясе лауреаты, совет шагыйре һәм журналисты, хәрби хәбәрче Муса Җәлилнең тууына 120 ел тулуга багышланган Хәтер кичәсе үткәрделәр. Бу хакта «Татар-информ»га Россотрудничествоның Таҗикстандагы вәкиллегенең матбугат хезмәтендә хәбәр иттеләр.

Бүген кояш баегач, мөселманнар өчен изге Рамазан ае башлана. Бу ай дәвамында дин тотучылар ураза тоталар. Әмма мөселманнарның кайбер категорияләре бу вазифадан азат ителә. Кемнәрнең ураза тотмаска хокукы бар – «Татар-информ» материалында.

Бөек Ватан сугышы ветераны, тыл хезмәтчәне Лена Сабирҗан кызы Булатова бүген 95 яшьлек юбилеен билгеләп үтә. Бу хакта «Татар-информ»га ТР Хезмәт министрлыгы матбугат хезмәтендә хәбәр иттеләр.

Күпфатирлы йортларда яшәүчеләргә кичке һәм төнге вакытта артык шау-шулы җыештыру өчен административ җаваплылык яный. Штраф күләме 5 мең сумга җитәргә мөмкин, дип хәбәр итте «РИА Новости» агентлыгына Кутафин исемендәге Мәскәү дәүләт юридик университетының административ хокук кафедрасы ассистенты Тургной Зокиров.

Чәршәмбе иртәсендә Казанда җиде баллы бөкеләр барлыкка килде. Бу мәгълүматларны «Яндекс. Карты» сервисында күрергә мөмкин.

Казанда 19 февральдә «Россия – минем тарихым» тарихи паркында «Знание. Герои» («Белем. Батырлар») күргәзмәсенең ачу тантанасы узачак. Мультимедиа экспозициясе махсус хәрби операциядә катнашучыларның батырлыкларына багышланган. Бу хакта Казан мэриясе матбугат хезмәте хәбәр итә.

2026 елның гыйнварында Россия банклары 396,5 млрд сумлык ипотека кредиты биргән – бу узган елның шул ук аена караганда өч тапкырга күбрәк. Бу хакта «РИА Новости»га «Скоринг бюро» компаниясендә хәбәр иткәннәр.

Тиздән мөселманнар өчен изге Рамазан ае башлана. Ни өчен бу айда ураза тотарга кирәк, ураза вакытында нәрсәләр тыелган, савапны ничек арттырырга – «Татар-информ» материалында.

18 февральдә Татарстанда аязучан болытлы һава була. Көндез явым-төшем көтелми, дип хәбәр итә ТР Гидрометеорология үзәге.

Татарстан мөселманнары Диния нәзарәте рәисе Камил Сәмигуллин якынлашып килүче Рамазан ае уңаеннан республика мөселманнарына мөрәҗәгать итте.