Новости за 20.02.2026

Байкалда туристлар утырган машина боз астына төшеп киткән.

Иркутск өлкәсе прокуратурасы хәбәр иткәнчә, фаҗига Охон утравында Хобой борыны районында булган. Барлыгы сигез турист булган, аларның берсе котылып кала алган, калганнарын эзлиләр.

Урынга Полхонск районы прокуроры, полиция хезмәткәрләре, коткаручылар һәм башка хезмәтләр чыккан. Җинаять эше кузгатылган, аның барышын прокуратура контрольдә тотачак.

Бүген «Казан Экспо»да Илһам Шакиров исемендәге залда 23 февраль - Ватанны Саклаучылар көненә багышланган зур тантана уза. Чарада Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, министрлык-ведомство җитәкчеләре, район-шәһәр башлыклары, хәрбиләр катнаша.

Бүген «Казан Экспо»да Татарстан Республикасы Рәисе Рөстәм Миңнеханов «Батырлар. Татарстан Геройлары» программасында катнашучылар белән очрашты. Очрашуда финалистлар укыту чорында остазлары белән бергә әзерләгән үз проектларын тәкъдим иттеләр.

Татарстанда һава торышы начар булу сәбәпле, «Урал» М5 трассасының дүрт участогында автобус һәм йөк машиналары хәрәкәтен чикләнде. Чикләү 19.00 сәгатькә кадәр озайтылды, дип хәбәр иттеләр Россия гадәттән тыш хәлләр министрлыгының ТР буенча Баш идарәсендә.

2026 елның гыйнварыннан «больничный» буенча түләүләрнең минималь һәм максималь күләмнәре артты. Бер көн эчендә пособиенең максималь күләме хәзер 6827 сум тәшкил итә. Больничныйларны исәпләү үзенчәлекләре турында «Татар-информ» га биргән интервьюсында Россия Социаль фондының Татарстан Республикасы буенча бүлеге идарәчесе Эдуард Вафин сөйләде.

Ульяновск өлкәсенең Чынлы районы Яңа Тимерчән авылы халкы танылган милләттәшебез – Россиянең атказанган авыл хуҗалыгы хезмәткәре Илдус Хәмзинны соңгы юлга озатты. Бу хакта Ульяновск өлкәсенең «Өмет» газетасы хәбәр итә.

Шимбәгә каршы төндә, 21 февральдә, Татарстанда тагын һава шартларының начараюы фаразлана. Бу хакта ТР Гидрометеорология үзәге хәбәр итә.

Европада яшәүче татарлар арасыннан тупланган төркем Берлин профессиональ театр сәхнәсендә татарча спектакль куячак. «Die Quelle | Чыганак» спектакленең премьерасы 13, 14 март көннәренә билгеләнгән. Спектакльнең режиссёры – Айдар Җәббаров. Бу хакта эмиграциядәге татарлар турында язучы «Дулкын» медиасы хәбәр итте.

Санаулы көннәрдән «Аулак өй – көрәш» проектының җиңүчеләре билгеле булачак.

Татарстанда «Татар теле - халкым теле» Бөтенроссия иҗади конкурс һәм семинары старт алды. Проект татар теле укытучылары һәм фәннәрне татар телендә укытучы мөгаллимнәр өчен оештырыла. Чара татар телендә укытучы мөгаллимнәрнең статусын күтәрүгә һәм ярдәм итүгә, шулай ук алдынгы педагогик тәҗрибәне таратуга юнәлдерелгән.

Татарстанда электрчыларның уртача хезмәт хакы квалификациясенә, рөхсәт алуларына һәм эш урынына карап 62 меңнән 135 мең сумга кадәр. Бу хакта «Татар-информ» белән әңгәмәдә HR-эксперт Зулия Лоикова сөйләде.

22 февральдә 15:00 сәгатьтә Мәскәү Татар мәдәни үзәгендә күренекле герой-шагыйрь Муса Җәлилнең 120 еллыгына багышланган «Гомерем минем моңлы бер җыр иде...» концерты була. Бу хакта Мәскәү татарлары милли-мәдәни автономиясе телеграм-каналында хәбәр иттеләр.

20 февральдә Яков Емельянов исемендәге мәдәни үзәктә «Керәшеннәрдә Май чабу» театральләштерелгән интерактив программасы узачак. Бу – салкын кышның китүен һәм кояшлы язны каршылауны бәйрәм итү чарасы.

Торжественное открытие Традиционного проекта Духовного управления мусульман России «Шатер Рамадана» состоялось по благословению главного муфтия шейха Равиля Гайнутдина 19 февраля в Москве. Он посвящен Году единства народов, объявленному Президентом РФ.

Россия мөселманнары Диния нәзарәтенең традицион «Рамадан чатыры» проектын ачу тантанасы 19 февральдә Мәскәүдә Баш мөфти шәех Равил Гайнетдин фатихасы белән узды. Ул РФ Президенты игълан иткән халыклар бердәмлеге елына багышлана.

На площадке медиацентра Министерства просвещения РФ сегодня начался всероссийский онлайн-марафон, приуроченный к Международному дню родного языка. Мероприятие стартовало в 10:00 и станет федеральной дискуссионной площадкой для обмена опытом в области сохранения и развития языкового разнообразия страны.

Бүген Россия Федерациясе Мәгариф министрлыгының медиаүзәге мәйданчыгында Халыкара туган тел көненә багышланган бөтенроссия онлайн-марафоны башланды. Чара 10:00 сәгатьтә старт алды һәм илнең тел төрлелеген саклау һәм үстерү өлкәсендә тәҗрибә уртаклашу өчен федераль дискуссия мәйданчыгы булачак.

Жителей Татарстана призвали отказаться от передвижения на личных авто в непогоду. В Госавтоинспекции также попросили не выезжать за пределы населенных пунктов.

Татарстанда яшәүчеләрне һава торышы начар булганга шәхси автоларда йөрүдән баш тартырга чакырдылар. Дәүләт автоинспекциясендә шулай ук торак пунктлардан читкә чыкмаска сорадылар.

Россия Президенты Владимир Путин Сергей Вершининны РФ Тышкы эшләр министры урынбасары вазифасыннан азат итү турындагы указга кул куйды. Документ бүген хокукый мәгълүматның рәсми порталында басылып чыкты һәм имзаланганнан соң үз көченә керә.

Таңсылу Аслаева республикада әйләнә-тирә мохитне саклау белән бәйле күп кенә каршылык чараларында катнашты.

Татарстан Рәисе Рөстәм Миңнеханов быел 2 февральдә 100 яшен тутырган Бөек Ватан сугышы ветераны Алексей Комлевка «Дуслык» ордены тапшырды. Бу хакта ТР Рәисе матбугат хезмәте җитәкчесе Лилия Галимова хәбәр итте.

Татарстан Премьер-министры Алексей Песошин Ватанны саклаучылар көне алдыннан махсус хәрби операциядә катнашучыларга бүләкләр тапшырды. Бу хакта үзенең Телеграм-каналында ТР Дәүләт Советы депутаты, махсус операциядә катнашучы Эдуард Шәрәфиев сөйләде.

Татарстанда «Урал» М5 трассасы участогында автобуслар һәм йөк автомобильләре өчен вакытлыча чикләүләр кертелде. Бу хакта ТР Дәүләт автоинспекциясендә хәбәр иттеләр.

Яңа Чишмә муниципаль районы Советының хисап утырышында 2025 елга йомгак ясалды һәм 2026 елга бурычлар билгеләнде. Төп доклад белән район башлыгы Егор Тарнавский чыгыш ясады. Утырыш эшендә Татарстан Премьер-министры урынбасары – республика авыл хуҗалыгы һәм азык-төлек министры Марат Җәббаров, Татарстан Республикасы Министрлар Кабинетының Баш ветеринария идарәсе башлыгы Тимур Галиев һәм башкалар катнашты.