Новости за 21.02.2026

Татарстанга пилотсыз очкычлар һөҗүме кире кагылды, корбаннар һәм җимерелгән объектлар юк, дип хәбәр иттеләр ТР Рәисе матбугат хезмәтендә.

Казанда «Пилотсыз очкыч һөҗүм итү куркынычы режимы» гамәлдән чыгарылды. Бу хакта Гадәттән тыш хәлләр министрлыгының рәсми кушымтасында хәбәр ителә.

Татарстан Рәисе Рөстәм Миңнеханов ТР Хөкүмәте йортында узган киңәшмәдә хакимият башлыкларына, хакимият органнары һәм оешма җитәкчеләренә Ватанны саклаучылар көненә багышланган чараларны югары дәрәҗәдә оештырырга кушты. Бу хакта республика җитәкчесенең матбугат хезмәте хәбәр итә.

Бүген Казанда яшәүче тыл хезмәтчәне Галина Федоровна Антонова 95 яшьлек юбилеен билгеләп үтә. Бу хакта «Татар-информ» агентлыгына ТР Хезмәт, халыкны эш белән тәэмин итү һәм социаль министрлыгы матбугат хезмәтендә хәбәр иттеләр.

Казан бассейннарының берсендә баланы кыйнаган тренерга карата җинаять эше кузгатылды.

Татарстан Рәисе Рөстәм Миңнеханов ТР Хөкүмәте йортында узган киңәшмәдә йорт түбәләреннән һәм башка биек конструкцияләрне кардан чистартуда контрольне көчәйтергә кушты, кышкы сезонда җыелган кар катламының куркыныч тудыруын билгеләп үтте. Бу хакта республика җитәкчесенең матбугат хезмәте хәбәр итә.

Әлмәт театрында оештырылган заманча драматургия семинар-лабораториясенең өченче этабы бара – финалга чыккан пьесалар буенча Татарстан һәм Башкортстан театрлары эскизлар ясый. Уңышлы эскизлар спектакль буларак үстерелеп, театр репертуарына алынырга мөмкин.

ТР Премьер-министры урынбасары – авыл хуҗалыгы һәм азык-төлек министры Марат Җәббаров Татарстан Хөкүмәте йортында узган киңәшмәдә язгы кыр эшләренә әзерлекнең барышы турында сөйләде. Бу хакта ТР Рәисенең матбугат хезмәте хәбәр итә.

Казанның Четаев урамындагы бер фатирда балконда калдырылган әйберләргә ут капкан.

Махсус хәрби операциядә катнашучылар якынлашып килүче Ватанны саклаучылар көне уңаеннан Татарстанда яшәүчеләргә видеокотлаулар яздырды.

План по вводу жилья в Татарстане на 2026 год по состоянию на 21 февраля выполнен на 24%: введено более 749 тыс. кв. м. Об этом сообщил министр строительства, архитектуры и ЖКХ РТ Марат Айзатуллин на совещании в Доме Правительства республики, передает пресс-служба Раиса РТ.

2026 елда Татарстанда торак файдалануга тапшыру планы, 21 февральгә булган мәгълүматлар буенча, 24 процентка үтәлгән: 749 мең квадрат метрдан артык торак сафка бастырылган. ТР төзелеш, архитектура һәм торак-коммуналь хуҗалык министры Марат Айзатуллин республика Хөкүмәте йортында узган киңәшмәдә шулай дип белдерде. Бу хакта ТР Рәисенең матбугат хезмәте хәбәр итә.

Әлмәттә «Пилотсыз очкыч һөҗүм итү куркынычы режимы» игълан ителде. Бу хакта Гадәттән тыш хәлләр министрлыгының рәсми кушымтасында хәбәр ителә.

Журналист, Татарстанның атказанган мәдәният хезмәткәре Мөнир Әһлиуллин 85 яшендә вафат булды.

Казанда «Пилотсыз очкыч һөҗүм итү куркынычы режимы» игълан ителде. Бу хакта Гадәттән тыш хәлләр министрлыгының рәсми кушымтасында хәбәр ителә.

Казан һәм Түбән Кама аэропортларында соңгы тәүлектә икенче тапкыр самолетларны кабул итү һәм җибәрүгә чикләүләр кертелде. Бу хакта Гадәттән тыш хәлләр министрлыгының рәсми кушымтасында хәбәр ителә.

РФ Дәүләт Думасы депутаты, «Бердәм Россия» партиясенең «Эшмәкәрлек» проекты федераль координаторы Әлфия Когогина Ватанны саклаучылар көне алдыннан махсус операция зонасындагы хәрбиләргә чираттагы гуманитар йөк тапшырды. Чираттагы гуманитар конвой истәлекле датага – беренче КАМАЗ автомобиле эшләп чыгарылуга 50 ел тулуга багышланган.

Татарстанда, аерым алганда Түбән Кама һәм Алабуга шәһәрләрендә пилотсыз очкыч һөҗүм итү куркынычы режимы игълан ителде. Бу хакта Гадәттән тыш хәлләр министрлыгының рәсми кушымтасында хәбәр ителә.

Татарстан Рәисе Рөстәм Миңнеханов республика халкын Халыкара туган тел көне белән тәбрик итте. Котлауны ул үзенең МАХ каналында урнаштырган.

«Хәзинә» милли сәнгать галереясе ТАССР һәм РСФСРның халык рәссамы Бакый Урманченың туган көне уңаеннан аның әсәрләреннән торган даими эшләүче экспозициясен яңарта. Искәртеп үтәбез, рәссам 1897 елның 23 февралендә туган. Күргәзмә 25 февральдә эшли башлый.

Татарстанда 2026 елда узган «Профессионаллар» Бөтенроссия чемпионатының төбәк этабы нәтиҗәләре буенча 352 компетенция теркәлгән — бу ярышлар тарихында рекордлы күрсәткеч. Чемпионат «Яшьләр һәм балалар» илкүләм проектының «Профессионалитет» федераль проекты кысаларында тормышка ашырыла. Бу хакта Профессиональ компетенцияләрне үстерү үзәгенең матбугат хезмәте хәбәр итте.

Халыкара туган тел көне - телнең халыкның җанлы рухы, меңьеллык зирәклеге һәм милли үзаңны саклаучы буларак мөһимлеген искәртә торган бәйрәм. Бу хакта ТР Дәүләт Советы Рәисе, Татарстан халыклары Ассамблеясы Советы Рәисе Фәрит Мөхәммәтшин MAX каналында шулай дип белдерде.

Пассажирлар Казан метросында ел башыннан бирле 200дән артык әйбер онытып калдырган. Табылдыкларның 85 процентка якыны инде хуҗаларына кире кайтарылган, дип хәбәр итә шәһәр мэриясенең матбугат хезмәте.

Берләшкән Гарәп Әмирлекләрендә 10 меңгә якын татар яши. Алар чит ил шартларында да үз телләрен, мәдәниятләрен онытмыйча, бердәм җәмгыять булып торалар. Дубайда яшәүче татар диаспорасы активисты Әлфия Бәдретдинова «Татар-информ»га милләттәшләребезнең Хатта тауларына хайкингка барулары һәм апрельдә үткәрелүче Сабан туе турында сөйләде.

21 февральдә Татарстанда көн болытлы булачак. ТР Гидрометеорология һәм әйләнә-тирә мохитне күзәтү идарәсе фаразлавынча, бераз кар явуы көтелә.