Новости за 23.02.2026

Әлмәт районында БПЛА һөҗүме нәтиҗәләрен бетерү эшләре дәвам итә. Урында ашыгыч хезмәтләрнең барлык көчләре һәм чаралары җәлеп ителгән, дип хәбәр иттеләр район хакимиятендә.

Оренбургта 1941-1945 еллардагы Бөек Ватан сугышында катнашкан Оренбург өлкәсе татарларына багышланган китап чыгачак. Бу хакта Оренбург өлкәсе татарларының ВКонтакте социаль челтәрендәге сәхифәсендә хәбәр ителә.

Россия Дәүләт Думасының икътисади сәясәт комитеты рәисе Максим Топилин Татарстан халкын 23 Февраль белән котлады.

Татарстанның Аксубай районыннан тыл хезмәтчәне Әдия Гыйльфановага бүген, 23 февральдә, 94 яшь тулган. Бу хакта «Татар-информ»га ТР Хезмәт министрлыгы матбугат хезмәтендә хәбәр иттеләр.

Astra басмасы җирле халык сүзләренә һәм үз анализына таянып, һөҗүмнең "Транснефть" карамагындагы Кәләй авылы янындагы нефть куу станциясенә туры килүен хәбәр итә.

Татарстан Рәисе Рөстәм Миңнеханов татарстанлыларны Ватанны саклаучылар көне белән котлады. Республика җитәкчесе MAX каналында махсус операция катнашучылары балалар язган котлауларны һәм Муса Җәлил шигырен укыган видео урнаштырды.

Бүген иртән Әлмәт районындагы сәнәгать зоналарының берсендә дошман пилотсыз очкычларын юк иткәннән соң янгын чыккан. Бу хакта ТР Рәисе матбугат хезмәте җитәкчесе Лилия Галимова хәбәр итте.

РФ Президенты администрациясе җитәкчесе Антон Вайно ТР Рәисе Рөстәм Миңнехановны Ватанны саклаучылар көне белән котлады.

Республика халкы хәзер «Дәүләт хезмәтләре» порталы аша бушлай юридик консультация ала ала. Сервистан «Тормыш ситуацияләре» бүлегендә файдаланып була. Ул Дәүләт юридик бюросы белгечләре белән оператив рәвештә элемтәгә керергә мөмкинлек бирә, дип хәбәр итә Татарстан Юстиция министрлыгы.

РФ Премьер-министры Михаил Мишустин Татарстан Рәисе Рөстәм Миңнехановны Ватанны саклаучылар көне белән котлады.

Татарстан Республикасы Рәисе Рөстәм Миңнеханов Ватанны саклаучылар көне белән котлады.

Бүген, 23 февральдә, Казан халкы һәм кунаклары муниципаль парковкалардан бушлай файдалана алачак. Бу Ватанны саклаучылар көнен бәйрәм итү белән бәйле, дип хәбәр итте Казан шәһәре мэриясе матбугат хезмәте.

Татарстанда 23 февральдә болытлы һава торышы урнашачак. ТР Гидрометеорология үзәге мәгълүматларына караганда, төнлә көчле явым-төшем булмаячак, көндез урыны белән бераз кар явачак.