Новости за 28.02.2026

Татарстанда «Татар теле – халкым теле» конкурсына гаризалар кабул ителә башлады. Бу хакта Татарстан фәннәр академиясе Гамәли семиотика институты хәбәр итә.

1 марттан алиментны исәпләү тәртибе үзгәрми, бары тик аны бердәм пособие билгеләгәндә исәпкә алу механизмы генә башкача эшли башлый. Бу хакта «Татар-информ»га Россия Хөкүмәте каршындагы Финанс университеты доценты Игорь Балынин хәбәр итте.

3 мартта Казанда чираттагы бушлай татар теле курслары башлана. Курсларда барлык теләүчеләр катнаша ала. Аларны Татарстан Республикасы Рәисе каршындагы туган телләрне саклау мәсьәләләре комиссиясе ярдәмендә Казан мэриясе оештыра. Бу хакта Казан мэриясе матбугат хезмәте хәбәр итте.

Казанда яшәүче тыл хезмәтчәне Валентина Макарина бүген 95 яшьлек юбилеен билгеләп үтә. Бу хакта «Татар-информ»га ТР Хезмәт министрлыгы матбугат хезмәтендә хәбәр иттеләр.

Мөселманнар сәбәпсез уразасын калдыра һәм аның урынына мохтаҗларны ашата алмый. Бу хакта ТР мөселманнары Диния нәзарәте сайтында урнаштырылган фәтвада әйтелә.

Татарстанда яшәүче 35 яшькә кадәрге яшьләр «Росмолодежь. Грантлар» бәйгесендә катнаша ала. Анда үз проектыңны тәкъдим итеп, аны тормышка ашыру өчен 1,5 миллион сумга кадәр акча алырга мөмкин. Бәйгенең максаты — яшьләрне иҗатка һәм иҗтимагый эшчәнлеккә тарту, аларның идеяләрен ил файдасына тормышка ашырырга булышу. 2025 елда бу бәйге Россиянең 89 төбәген иңләгән, шулай ук аңа беренче тапкыр Абхазия вәкилләре дә кушылган. Бу чара «Яшьләр һәм балалар» илкүләм проектының бер өлеше булып тора. Ул яшьләргә... Читать дальше...

Чаллыда яшәүче кеше 30 миллион сумга кулдан язылган Коръән сата.

«Бу Коръәннең хуҗасы күп сугышлар кичергән, аны һәрвакыт йөрәк турында, түш кесәсендә йөрткән һәм исән калган, шуннан соң ул аны улына тапшырган», – диелгән белдерүдә.

Сатучы китапны автомобильләргә, фатирга яки шәһәр читендәге йортка алыштырырга әзер. Шул ук вакытта ул Коръәнне сатудан кергән акчалар тернәкләндерү үзәге төзү өчен кулланылачак, дип ышандыра.

Узган елда Казанның эчке тулаем продукты 1,9 трлн сумга җиткән, сәнәгать җитештерүе 3,6 процентка үскән, ә эш урыннарының өчтән берен кече һәм урта бизнес тәэмин иткән. Шәһәр транспорт, торак һәм туризмны актив үстерә, инвестицияләр һәм кунаклар җәлеп итә. Елның төп йомгаклары турында «Татар-информ» материалында.

Бүген, 28 февральдә, Татарстанда төньяк-көнбатыш циклоны йогынтысы нәтиҗәсендә болытлы, карлы һәм шактый җылы һава торышы көтелә. Бу хакта ТР Гидрометеорология үзәге хәбәр итә.

Бу инде дүртенче алан булачак, оештыручылар быел йөзгә якын кеше катнашыр дип көтә. Татар аланында быел татар тарихына басым ясалачак.