Тәтешнең җиңел атлетчылары командасына авылдашлары бөртөрле яңа спорт киеме бүләк иткән
Тәтештә туып-үскән Фиргать Җиһаншин спорт мәктәбендә шөгыльләнүче җиңел атлетчыларга бертөрле спорт киемнәре сатып алырга ярдәм иткән.
Тренер Рәшит Габдрахманов шәкертләре яңа киемнәреннән канәгать. Аның әйтүенчә, Фиргать Җиһаншиннан алар берничә тапкыр бүләк алган.
«Фиргать – мәрхәмәтле кеше. Ул безгә әле тагын йөгерү өчен махсус аяк киеме, йөгерү киеме, җиңел атлетика өчен кирәк-яраклар алырга да ярдәм итте. Яңа елга балаларга бәйрәм өстәле оештырды. Шушы араларда без Казанга ярышка бардык, анда безне Җиһаншиннан бүләк ителгән бер төрле спорт киемнәреннән күреп, күпләр хәтта көнләшеп тә куйды», – диде тренер
Тренер фикеренчә, спорт киемнәре яшь спортчыларга яхшы этәргеч булып тора. Аны бары тик район җыелмасы әгъзалары гына алган.
Тулырак: http://tetyushy.ru/news/sport/tteshne-iel-atletchylary-yaa-kiemnn-shgylln