Миллион сумнан артык алимент бурычы булган хатын-кызны җаваплылыкка тартканнар
Суд карары нигезендә, Татарстанның Әгерҗе районында яшәүче ана балигъ булмаган баласын тәрбияләүчегә алимент түләп торырга тиеш булган. Әмма агымдагы елның июнь аеннан августка кадәр хатын-кыз алимент түләүдән качып йөргән. Аны моңа кадәр дә шуның өчен административ җаваплылыкка тарткан булганнар.
Алимент түләмәгән өчен хатын-кызга карата җинаять эше кузгатылган. Аның балага булган гомуми бурычы 1,4 миллион сумнан артык җыелган. Ана үз гаебен тулысынча таныган. Суд хатын-кызны ярты елга төзәтү эшләренә җибәргән. Татарстан прокурорының өлкән ярдәмчесе Руслан Галиев шул турыда хәбәр итте.