СССР Генераль штабының элеккеге башлыгы Михаил Моисеев вафат
СССР Кораллы көчләре Генераль штабының элеккеге башлыгы, армия генералы Михаил Моисеев 83 яшендә вафат булган. Россиянең Хәрби җитәкчеләр клубы сайтында шул турыда хәбәр ителә, Моисеевның үлеменең сәбәбе күрсәтелмәгән.
Михаил Моисеев 1988 елның 14 декабрендә СССР Кораллы көчләренең Генераль штабы башлыгы итеп билгеләнә. 1991 елның августында ул СССР саклану министры вазифаларын башкара. Совет һәм чит илләрнең күпсанлы орденнары һәм медальләре белән бүләкләнгән. Армия генералы исемен 1989 елда ала, 1991 елның ноябрендә отставкага китә.
РФ Хәрби җитәкчеләр клубы президенты армия генералы Анатолий Куликов Моисеевның туганнарының һәм якыннарының кайгысын уртаклашты.