Мәдәният министрлыгы муниципаль районнар арасында мәдәни бәйге игълан итә
Татарстанда Милли мәдәниятләр һәм традицияләр елы уңаеннан ТР Мәдәният министрлыгы муниципаль берәмлекләр арасында бәйге игълан итә.
«Без Татарстан Республикасы муниципаль берәмлекләренең мәдәният көннәрен үткәрү традициясен яңартабыз», диде мәдәният министры Ирада Əюпова ТР Министрлар Кабинетында үткән брифингта. Министр билгеләп үткәнчә, конкурс районнарның мәдәни потенциалын республика югарылыгында күрсәтергә ярдәм итәчәк.
31 марттан 30 сентябрьгә кадәр Казанның төрле мәйданчыкларында муниципаль берәмлекләр чыгыш ясаячак.
Җиңүче муниципаль районга 3 млн сумлык грант тапшырылачак.