Татарстанда томан, яңгыр, көчле җил көтелә, 6 градуска кадәр җылы булачак
Иртәгә, 10 мартта, Татарстанда моңа кадәр урнашкан тотрыксыз һава торышы сакланачак. Шул ук вакытта атмосфера фронтлары тәэсирендә метеошартлар янә бозыла, дип хәбәр итә Татарстанның Гидрометеорология үзәге.
Республикада көн болытлы булып калачак. Бөтен төбәктә, шул исәптән Казанда да, яңгыр һәм җепшек кар рәвешендә явым-төшем булуы ихтимал. Моннан тыш, бүген дә урыны белән томан төшәчәк, ул җомга төнендә һәм иртәсендә сакланачак, дип кисәтә метеорологлар.
Көньяк һәм көньяк-көнбатыштан талгын җилнең тизлеге кайвакыт бер метрга 15-20 секундка кадәр көчәя (төнге сәгатьләрдә кайбер урыннарда, ТР башкаласын да кертеп, тәүлекнең якты вакытында – бөтен республикада). Юлларда кайбер урыннарда бозлавык һәм кар боткасы барлыкка килә, дип билгеләп үтә синоптиклар.
Көннең караңгы вакытында Татарстан буенча 0..+3 градус (Казанда 0..+2 градус) җылы булуы фаразлана. Көндез һава +3..+6 градуска кадәр җылына (республика башкаласында +3..+5 градуска кадәр).