Путин армиягә язгы чакырылыш турындагы указны имзалады
Россия Президенты Владимир Путин армиягә язгы чакырылыш турындагы указны имзалады. Документ хокукый мәгълүмат порталында урнаштырылган.
«2023 елның 1 апреленнән 15 июльгә кадәр запаста тормаган һәм 1998 елның 28 мартындагы «Хәрби бурыч һәм хәрби хезмәт турында» 53нче Федераль закон нигезендә хәрби хезмәткә чакырылырга тиешле 18-27 яшьлек 147 000 РФ гражданын хәрби хезмәткә чакыруны тәэмин итәргә», - диелә указда.
Элегрәк Дәүләт Думасының Оборона комитеты башлыгы Андрей Картаполов язгы чакырылыш вакытында яңа гына армиягә алынган кешеләр Россиянең яңа төбәкләренә хезмәт итәргә җибәрелмәячәк дип ышандырган иде.