Алабугада 43 видеокүзәтү камерасы урнаштырырга җыеналар
Алабугада 43 видеокүзәтү камерасы урнаштырырга җыеналар. Бүгенге көндә 185 камера урнаштырылган инде.
Быел камералар апрель-май айларында яр буе, причал, Галиәсгар Камал һәм «РайПО» урамнары, Меңьеллык, Казан, Төзүчеләр, Габдулла Тукай урамнары һәм Нефтьчеләр проспекты буенча автобус тукталышларында куярга җыеналар. Бу хакта «Алабуга нуры» хәбәр итә.
Газоннар һәм чәчәк түтәлләре урнаштырылачак участокларга аерым игътибар биреләчәк. Моннан тыш, камералар контроле астында Болгар урамындагы парк, Подмонастырка районындагы Чишмә һәм Шишкин буалары территориясе булачак.
Бүгенге көндә видеокүзәтү камерасы Алабуганың кеше иң күп йөри торган урыннарында, автомобиль юлларында һәм шәһәрнең һәм районның мөһим юл чатында бар.