Чиләбедә Зәйнулла Рәсүлев исемендәге Дини үзәктә балалар өчен җәйге лагерь эшли
Чиләбедә Зәйнулла Рәсүлев исемендәге Дини үзәктә балалар өчен җәйге сменалар эшли. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.
«Алга бару өчен ислам фәннәре, педагогика һәм психология киселешендә эшләргә кирәк. Моны җәйге ял вакытында да куллану мөһим, чөнки лагерьларга балалар төрле гаиләләрдән килә. Әмма, ислам белемнәренә ия булып һәм заманча педагогика коралларын кулланып, лагерь кысаларында яшүсмерләрнең тәртибен үзгәртергә тырышырга мөмкин», – дип белдерде «Юл» җирле мөселман оешмасы рәисе Раул Төхвәтуллин.
Лагерь эшенә ислам югары уку йортлары һәм мәдрәсәләре студентлары, Махачкала шәһәре Дагыстан ислам университеты һәм Казан шәһәренең «Мөхәммәдия» мәдрәсәсеннән практикантлары актив җәлеп ителә. Зәйнулла ишан Рәсүлев исемендәге Дини үзәктә төп төркем формалашты, алар лагерьда ел саен сменадан сменага эшли, диелә хәбәрдә.