Татарстан министрлыгы телефон мошенникларының яңа алдау ысулы турында кисәтте
Телефон мошенниклары «алдауның нуленче этабын» куллана башлаган. Мошенник корбанын, янәсе хезмәттәше, игътибарсыз калдырырга ярамый торган мөһим шалтырату турында кисәтә. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы кисәтә.
Шуннан соң чыннан да, янәсе, хокук саклау органнары вәкиленнән һәм аннары «банк вәкиленнән» шалтырату килә. Хезмәткәр яки партнер тарафыннан кисәтелгән корбан акчаны билгеле бер картага күчерә, кредит ала яки банкомат аша күчерә.
Министрлыкта ассызыклаганча, «нуленче этап» аркасында алдаучылар зыян күрүчеләрнең ышанычын яулый. Ә даими рәвештә үзгәрә торган элемтә каналлары аралашуны бер контакттан икенчесенә күчерәләр.
Кагыйдә буларак, «хезмәттәшләреннән» шалтыратулар өчен кулланучыларның урланган аккаунтлары кулланыла. Соңгы вакытта мондый хәлләрнең артуы теркәлгән.
«Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы уяу булырга, нинди генә сылтау белән яисә нинди генә ысул (телефон шалтыравы, сайт, электрон хат) белән белергә тырышсалар да, чит кешеләргә шәхси һәм финанс мәгълүматлар бирмәскә», - диелә хәбәрдә.