Татарстанга Үзбәкстан Премьер-министры килде
Үзбәкстан Премьер-министры Абдулла Арипов Татарстанга эш сәфәренә килде. Татарстан Рәисе Рөстәм Миңнеханов белән алар «Алабуга» махсус икътисадый зонасын караган. Бу хакта «Татар-информ»га республика җитәкчесе матбугат хезмәтендә хәбәр иттеләр.
Үзбәкстан делегациясе Татарстанга Россия Федерациясенә эш сәфәре кысаларында килде. Мәскәүдә Россия һәм Үзбәкстан премьер-министрлары Михаил Мишустин һәм Абдулла Арипов очрашты.
«Алабуга» махсус икътисади зонасында Ариповка махсус территориянең өстенлекләрен тәкъдим иттеләр. Махсус икътисади зонада булудан тыш, Татарстанның сәнәгать һәм икътисади потенциалын тәкъдим итү һәм киңәйтелгән составтагы рәсми очрашу булырга тиеш.