Чаллының «Җәмигъ» мәчете махсус укуларга чакыра
Чаллының «Җәмигъ» мәчете ир-атлар һәм хатын-кызлар өчен махсус дәресләр оештыра. «Аллаһ илчесенең тормыш юлы» дип аталган әлеге лекцияләргә 11 октябрьдән башлап, теләге булган һәркем йөри ала. Бу хакта «Шәһри Чаллы» газетасы яза.
Анда пәйгамбәребез Мөхәммәд салләллаһу галәйһи вә сәлләм хакында киңкырлы мәгълүмат биреләчәк.
«Дәресләр һәр чәршәмбе 16:00 сәгатьтә башланачак. Алар Рамазан аена кадәр дәвам итәр дип ниятләп торабыз», – диде мәчетнең имамы, әлеге лекцияләрне алып баручы Мөхәммәд хәзрәт Мөхәммәтов.