Татарстан синоптиклары томан, бозлавык һәм көчле җил турында кисәтә
Татарстанда кабат һава шартлары начарлану көтелә. Бу хакта Татарстан Гидрометеорология үзәге кисәтә.
Бүген кич, иртәгә төнлә һәм көндез республикада урыны белән, шул исәптән Казанда да, кабат томан төшәчәк. Юлларда көчле бозлавык барлыкка килә.
Моннан тыш, пәнҗешәмбе, 21 декабрьдә, төбәк территориясендә иртәнге һәм көндезге сәгатьләрдә 15-20 м/с тизлектә көчле җил исәчәк (Татарстан башкаласында 18 м/с).
Бүген, чәршәмбе көнне, метеорологлар Татарстанда 4 градуска кадәр җылы температура, шулай ук җепшек кар һәм кар көртләре барлыкка киләчәк, дип фаразлый.
Агымдагы атнада төбәктә яңгырлар булырга мөмкин, бу хакта «Татар-информ» хәбәр иткән иде.
Һава торышы начар булуга бәйле рәвештә республикада «Урал» М5 трассасының ике участогында хәрәкәт вакытлыча чикләнгән. Җылыту сәбәпле, ике боз кичүе вакытлыча ябык булачак.