Татарстанда кар белән капланган трассаларда калган йөртүчеләргә коткаручылар ярдәм итә
Гадәттән тыш хәлләр министрлыгы хезмәткәрләре Татарстанда кар белән капланган трассаларда калган йөртүчеләргә ярдәм итә. Видео ведомствоның Телеграм-каналында чыкты.
Коткаручылар кешеләргә адреслы ярдәм күрсәтә, юлларны чистарта һәм реверсив хәрәкәтне оештыра. Машина йөртүчеләр һәм пассажирлар өчен җылыту һәм туклану мобиль пунктлары ачылган, анда кайнар чәй эчәргә, тамак ялгап алырга, телефоннарны зарядкага куярга һәм кирәкле ярдәм алырга мөмкин.
Метеорологлар мәгълүматы буенча, карлы һава торышы бүгенге көндә дә саклана. Искәртик, Татарстанда трассаларның сигез участогында һаман да автобуслар һәм йөк машиналары хәрәкәте ябык. Моннан тыш, катлаулы һава шартлары аркасында М5 «Урал» трассасында да хәрәкәт чикләнгән.