Миңнеханов СИБУР үзәгенең Татарстан кадрлар потенциалы өчен әһәмиятен билгеләп үтте
11 марттан башлап бөтен Сибур бизнесының эксперт ярдәме үзәге Сибур-ТР «Казаноргсинтез» территориясе янында төзелгән һәм яңартылган бинада эшли. Үзәкне күчерү компаниянең Татарстанда заманча эш мохите булдыру буенча масштаблы программасының бер өлеше булып тора, ул җитештерү, фәнни һәм административ бүлекчәләрнең үзара нәтиҗәле бәйләнешен, шулай ук хезмәткәрләрнең катнашын тәэмин итәчәк. Яңартылган мәйданчыкны беренче эш көнендә Татарстан Рәисе Рөстәм Миңнеханов, идарә рәисе, СИБУР генераль директоры Михаил Карисалов һәм Казан мэры Илсур Метшин карады.
«СИБУР - безнең стратегик партнерыбыз һәм алар Татарстанга китергән бар нәрсә безгә якын»,– дип билгеләп үтте Рөстәм Миңнеханов.
8 гектар мәйдан биләгән офис биналары СИБУР эшлекле кварталының бер өлеше булачак, аның кысаларында завод яны һәм турыдан-туры сәнәгать мәйданчыгы киңлеге кардиналь рәвештә үзгәрәчәк һәм төзекләндерүнең төп принципларын исәпкә алып яңа төсмер алачак. Эшлекле квартал эчендәге биналар үзара юл-транспорт инфраструктурасы һәм хезмәткәрләрнең ял итү, хезмәттәшләр белән очрашу өчен уңайлы шартлар тудырган иҗтимагый киңлекләр белән тоташтырылачак. Шунлыктан монда скверлар, парклар, бакчалар булдыру планлаштырыла.
Фото: © «Казаноргсинтез» матбугат хезмәте
СИБУР-ТР бизнеска эксперт ярдәме күрсәтү үзәге Татарстанда 2022 елда СИБУРның 2010 елдан Түбән Новгородта эшләп килгән бизнеска хезмәт күрсәтү база үзәгендә булдырылган. Анда СИБУРның илнең 16 төбәгендәге җитештерү функцияләре булмаган барлык предприятиеләре һәм бүлекчәләре берләштерелгән. Хәзер эксперт үзәгенең иң зур юнәлешләре булып, предприятиеләрне материаллар һәм җиһазлар белән тәэмин итү, логистика, клиент сервисы, икътисад һәм финанслар, юридик ярдәм, корпоратив идарә һәм процессларны экспертизалау үзәге һәм башка хезмәтләр тора.