Үзәк сайлау комиссиясе: 9.00 сәгатькә Президент сайлауга килүчеләр саны 36,55 процент
Бүген Мәскәү вакыты белән 9.00 сәгатькә илдә Россия Президентын сайлауларга килүчеләрнең гомуми саны 36,55 процент тәшкил итте. Бу турыда Россия Үзәк сайлау комиссиясе сайтында хәбәр ителә.
Сайтта туры трансляция бара. 09.23 сәгатьтә күрсәткеч 36,67 булды.
- 15 мартта Татарстанда 65 территориаль һәм 2722 участок сайлау комиссиясе эшли башлады, шулай ук хастаханә, шифаханә, тикшерү изоляторы, вокзал һәм аэропортта вакытлыча 45 сайлау участогы ачылды.
- 3 миллионга якын татарстанлы сайлау хокукына ия. Алар 15, 16 һәм 17 мартта 8.00-20.00 сәгатьләрдә тавыш бирә ала. Сайлау уздыруны сайлау комиссияләренең 22 мең әгъзасы тәэмин итә. Сайлау участокларында 16 меңнән артык күзәтүче эшли, шул исәптән чит ил күзәтүчеләре дә бар.
- Россия Федерациясе Президентын сайлау 8нче тапкыр үткәрелә, быел ул 15, 16 һәм 17 мартта уза. Сайлауда 4 кандидат – Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм Россиянең хәзерге Президенты Владимир Путин (үзен-үзе тәкъдим итүче) катнаша.