Путин: 2025-2030 елларда туризм илкүләм проектын финанслау 400 млрд сумнан артачак
2025-2030 елларда бюджеттан туризм илкүләм проекты финанслау күләме 403 миллиард сумнан да ким булмаячак. Бу хакта Россия Президенты Владимир Путин ел дәвамында федераль курортлар булдыруга багышланган киңәшмәдә хәбәр итте. Бу хакта «Российская газета» яза.
Аны гамәлгә ашыруга акча 2025-2027 елларга федераль бюджетта гына түгел, ә 6 еллык финанс планында да каралырга тиеш, дип хөкүмәт игътибарын җәлеп итте ул.
Дәүләт башлыгы сүзләренчә, мондый алым озак перспективага үзенең инвестиция программаларын гамәлгә куючы бизнес өчен мөһим юнәлеш булачак.
«Россия компанияләре киләчәктә дә туристлык индустриясен үстерүдә дәүләтнең төп партнерлары булып калырга тиеш», - диде Путин. Нәтиҗә күрсәткән барлык ярдәм чаралары һичшиксез озайтылырга тиеш, дип таләп итте ул.